هذي محاوره بين احمد الشايع وصياف الحربي رحمه الله
بحضور حبيب العازمي
قديمه لكن صراحه لاتنسى والمعنى قوي واهديها لشعار المنتدى
احمد الشايع
سلام رده نبا نحفر وندفن لها-- والشاطر اللي عليه ان عرضت ماتفوت
اللي معه ذاكره واحساس يفطن لها-- يابدو ياهل البيوت مبرمات البتوت
*صياف الحربي
يامرحبا والدروب البيض ندلها-- وانته تعرف العلوم الطيبه ماتموت
ان وقفت هاتها وان روحت خلها-- الريش لام الخلا والبيت للعنكبوت
احمد الشايع
كم واحدً قصته كبرت ولا حلها-- ماهي سوالف على شاهي وصكة بلوت
واحد وعشرين وستمئة تعين لها-- وسط البحر مخطرً يغرق بها الجيلبوت
صياف الحربي
شروطنا الماضيه تبقى على حلها-- تجيب مشلح وبر وأعطيك عشرين كوت
اليا قدرت السفينه شيلها كلها-- أوما تحصل ذهب والا من الحوت حوت
احمد الشايع
زلة ضعيف المعرفه ما اتنزلها-- مااخاطب الا هل العاده جمال الكخوت
أنا اشتري عز نفسي مااشتري ذلها-- ماني سوات الضعوف مجمعين السحوت
صياف الحربي
ان كان جاتك من الجاهل تحملها-- الحضر قالولي انك من كبار البخوت
الشجره اللي تضيق الارض من ظلها-- تلقى ورقها ليا طال الربيع محتوت
احمد الشايع
قد قلتله قل لنفسك قلها قلها-- الاجنبي يحسبه شيخ العنوز محروت
ان كان نفسه تمادت قلت لعلها-- كم واحدً غره المنظر وسحب البشوت
صياف الحربي
ياكثر من ياخذ السكين ويسلها-- وان قلت وش ذا الكلام يجاوبك بالسكوت
وش رايك نجوز العذرا ونحتلها-- وانت ارسل اهل القصيم يوزعون الكروت
احمد الشايع
الرب يمهل وهي ماهو بيمهلها-- مثلك لسانه يسمى فالرجال الفلوت
ناقة عريمان ظني بنت عمً لها-- فيما مضى خافيه واليوم صوره وصوت
صياف الحربي
خله يكثر دموع العين ويهلها-- دام اللسان يتعفت والكلام معفوت