السلام عليكم ورحمة الله و بركاته
الشاعر الكبير منور بن ماطر بن مسلم العصيمي من الشعراء الذين أشتهر قصيدهم بين قبايل الجزيرة دون
الظهور في أي قناة من القنوات التلفزيونية وما شابهها
و الذي عرف عن قصيده أحبه لجزالته واحتواءه على الحكم والأمثال
فيسرني أن أضع قصيده هنا
كما أن إعجابكم يزيد من سروري بلا شك
البارحه واليوم بين التفاكير = اخذن قلبي مابقى الا محله
سرح به الهاجوس مع شلعة الطير = قدام كل الناس محدن فطله
وجالي على المعنى ورود ومصادير = وغنيت يومن البيوت استوله
اعدل القيفان مثل البواكير = وليا عصى من بين عشرين اتله
هيضتني حتى تهيضت يانعير = وانا منول تارك اللعب كله
يانعير ياناطح وجيه المناحير = اليوم كلن قام سيفه يسله
دنيا تحط ألك العقد والمسامير = وغيرك تجيب اله العسل في محله
خلصت من كثر التعب والمشاوير = واتابع اخبار العرب فالمجله
ودني اخذ معك واذكرك بالخير = والا عن الماضي طويت السجله
اخذ الكتاب وفيه تلقى التقارير = ولا تنشد الشايب عن اللي حصله
انا خوي للرجال المناعير = واليا مشيت الدرب عيني تدله
وبعض القصيد يمر من غير تاثير = راعيه قام وحط فالنار جله
تمت وجعل الخاتمه كلها خير = وان كان به عقدٍ عسى الله يحله