[مهدي الأعصاب]

بسم الله الرحمن الرحيم الواحد الأحد = فرد(ن) صمد ماله شريك ولا رفيق
بديت باسم الذي لم يولد ولم يلد = رب(ن)حليم(ن) واسع(ن) خالق(ن) ماله خليق
اسمحوا لي ياجماعه ونا بنعت ولد = علم صدق(ن) بذكره وبلا قصور في رفيق
ياطويق اليوم مامثلك أحد = يافخر كل القبيله ياطويق
ابهوبل وتمثل ثم أهيجن لك بعد = وزانت بيوت(ن) لغيرك ماتليق
يابيوت الشعر روحي للحد = وادفني قاف(ن) خلا ذكره طويق
مايليق الشعر في غيرك أبد = ولو يقولونه يجي طبق وطبيق
من يعلمني أحد مثله صعد = وهام عليا شوفها يشرق شريق
له فعول ثابته لونها لون البرد = تستغيث امن المزون وزادها الغربي بريق
كل مانسنس نسيم الصبح لطيوره غرد = ثم لجلج صوتها وادوى بها الوادي السحيق
انتهض مثل السحابه للرعد = وامطرت غيث(ن) من الرحمن سيق
قاودت بامر الولي ثم اجتهد = وساقها مسفر الوجه ماتاه الطريق
عارف(ن) مقعد سكن قبر ولحد = ويرحمه مخرج من الحوت ذا النون الغريق
مير أظنه خابر(ن) طير السعد = وسند اسمه على جده طويق
ياسليل المجد والغايب شهد = والحضور اليوم تشهد والرفيق
ذيب يالي مركز القمه ورد = جعل يمنى(ن) تفعل الطيب تبطي ماتعيق
عايذك بالله من حاسد حسد = ومن عيون(ن) مايبردها الوفيق
طير يالي سابق(ن) وقت الهدد = ياسند من لامسه وقته بضيق
لانصيتك مانقدني فيك أحد = ولامدحتك كل مدحي بك حقيق
وان نخيتك خابر(ن) فيك العهد = وان طلبتك تعطي البل ياطويق
ماقفك مشهود يخسى من جحد = طيب(ن) معدنك ياقوت وعقيق
الأماره ماتبي بشت وختم وارتح ياولد = ولا تبي مكتب وماصه وخادم مع سديق
الأماره طيب وسخى وفعل(ن) مع جلد = مع شجاعه مع حبابه مع الوجه الطليق
وسمح جانب ودمث خلق بلاحقد = وكلها في طويق مع قلب رقيق
والله إني بين كل الناس أجد = طاري كحيلان ويشوش الصديق
ياعسىاك انتته بخير وكل عام إلنا سعد = ياعزيز الجناب وياكريم(ن) ماتضيق
واختامها في يوم والمشهد جهد = والنفوس من الجلل تغفى وتفيق
يالله اني طالبك خير الوعد = لاحشرجت بالصدر وارهقها الشهيق
وصلوا على ألي لانبي بعده سجد = الرسول ألي رفع راية الدين العتيق

آخر تعديل مهدي الأعصاب يوم 28-Nov-2011 في 04:35 PM.