[زياد المزرمي]

على ركم السحاب ورعده يشادي سنا البرّاق = تلد العين في وجه السماء وأقول سبحانك
تجلت قدرتك يامدبّر الأكوان ياخلاّق = تمد اللي ترجى ,, فزعتك مع كل بيبانك
تراودني هجوسٍ وصفها تدريبها العشاق = توغل فالضمير ,, وتطلبك من بحر وجدانك
دخلت المنتدى خط اتصالي عبر ( برج أفاق ) = مدى السرعة على ( ممتاز ) واربط محزم أمانك
لقيت من القصيد اللي يناسب لي ,, وجوي راق = وأنا ( لجل الشعر ) ما أجامل الشعار واحانك
حسب ذوقي وكلٍ وله شف ولرجال أذواق = ولولا الفرق فالاذوق كيف يقر ميزانك ؟
يجي سوّام لسلعه ولو ضاقت بها الأسواق = على قول العرب .. شرهتك لا فكيت دكانك
لقيت أصحابنا كلٍ تحمى وارتكز بالساق = لكن تبقى يا نجد بهيبتك مشتال ضلعانك
وأنا ادري فالعلوم أجلال ... زي ما فالعلوم دقاق = نصيبك يا تعيس الحظ من شعلتك ( دخانك )
أجاوب من فرايدهم كما حلو العسل ينذاق = يصيغون البيوت اللي تمناها بديوانك
لو أن الموس حاضر فاللزوم ,, ولو نباه يساق = تعدى قلتك وأحفى بقايا شر لحيانك
حشمت (الموس) و (الشفرة) ويمناً تخدم( الحلاق) = ما دام ابسط عقوبة نتخذها فيك ,, حقرانك
مصيرك يا معمّر شين دامك مانت فالميثاق = عصيت المعتلي وأوحيت ما يا مرك شيطانك
وأنا أبشرك صدري يا سليّم فاللقا ما ضاق = يهيض ويستعيد أليا توحى ( سبك قيفانك )
على شعر النبط هيضتني لو ما ني بمشتاق = قصيدك جزل يجبرنا على ,,, صح الله لسانك
مشى حبر القلم ما أجبرته يعبّر على الأوراق = كتب نصّ الرسالة والحروف ( أسمك وعنوانك )
تعزويت بهجوسٍ طيبها في ما مضى سبّاق = تغوصك يا بحر وتجيب لولوّك ومرجانك
على صوتك وصل رد الصدى من خاطرٍ تواق = لجل بيت الشعر ما قول من ( شاني ومن شانك )
ما دام أن الحقيقة شمس ما تخفى بسد رواق = ترا ماني موكل يا زمن برضاي زعلانك

التوقيع

عز الله اني فالوصل ماني بشي !! = ولا الحقوق .. اقولك عد واغلط !! دام المواجه حظ .. ويحالف الحـي = لابد مايحصل ( هلاوين وإقلـط ) زيـاد الـمـزرمـي ziadsm@windowslive.com