[الهبري الروبس]

ألا يا هبوبٍ من شمال البلاد تهب
تجينا من القطب الشمالي مواردها
أنا مرتكٍ قلبي على لاهبٍ يشتب
صلى القلب لين أنه شرايينه اهمدها
عسى برد نسناسك ليا حاشني مجنب
وشرعت له صدري همومي يبردها
تعبت بزماني والزمان الردي يتعب
صروف الدهر يا عاشق الريف ما انكدها
تعنّيت لاكبر دولةٍ تشتهر بالطب
وهي بيّنة ماني بملزومٍ افنّدها
وجيت متخصص واستشاري ومجرب
على شان يفحص حالتي ثم يحددها
بعد ما فحص ثم حلل بدا يكتب
على علتي في الطب ما هو بواجدها
ولا قط سمع مشابهتها بشرق وغرب
ولا ضمن حالاتٍ نوادر يعددها
وقلت: أنت يا دكتور عندك علاجي صعب
وسهلٍ على اللي كوّن النفس وأوجدها
لْه وصفةٍ وحدة ومضمونها يحسب
علاجٍ عظيم وكل علّة يخمدها
لْه وصفةٍ وحدة هي أعظم علاج ودرب
يحمد العواقب من سلكها وجودها
هي العروة الوثقى وهي غاية المطلب
ولا لي بطب الناس ماني بناشدها

سعيد بن علي النفيعي

آخر تعديل الهبري الروبس يوم 11-Nov-2011 في 02:27 AM.