السلام عليكم ورحمة الله وبركاته أخواني أعضاء منتدى الهيلا أسعد الله أوقاتكم بكل خير ومن العايدن وعساكم من عواده أقدم بين يديكم هذه القصيدة وآمل أن تحوز على رضاكم والمعذرة على القصور
ياهاجسـي يامطـوّع الصـعـب تطـويـع=ســـدّد وقـــارب بـالـوفــاء والـبـراعــه
مـادام لــك فالشـعـر بصـمـة وتوقـيـع=أنــت الـوديـع الـلـي يحـفـظ الـوداعـه
حتـى تعبّـر عـن حــدث صــار وتـذيـع=ثــم إعلـنـه للمجتـمـع فــي الإذاعــه
للعـيـد فـرحــة وإستـضـافـه وتـوديــع=والمسعـد الـلـي راقــب الله وطـاعـه
الـعـز بالله فـــي جـمـيـع المـواضـيـع=وإيصـال حبـل الـديـن قـبـل إنقطـاعـه
مـن قـل دينـه خــاب وعلـومـه تضـيـع=وأفلـس مـن أعمالـه ولا لـه شفاعـه
وأنـا بغيـر الصـدق لا أشـري ولا أبيـع=والـنــور جـــلاّي الـظــلام بـشـعـاعـه
أشفق على رفق الرجال الشعاشيع=الـلــي مبـاديـهـا رمـــوز الـشـجـاعـه
أهـل الوفـاء ترقـى صعيـب المطاليـع=وإلها على كسب الجميل إستطاعه
بالطـيـب والمـعـروف مـثـل الينـابـيـع=والـرجـل دايــم نجـدتـه مـــن ذراعـــه
والرفـقـه الـلـي دوم تـحـتـاج تلـمـيـع=وتغـيـب عـنــا يـــوم وتـبـيـن سـاعــه
وتـقــوم يـــوم وتـنـسـدح بالأسـابـيـع=مـالـي نـظـر فيـهـا ولا لــي طمـاعـه
أنــا أعتبـرهـا مـثـل ماقـيـل تجـمـيـع=تجـمـيـع مـالـيــزي ونــاتــج صـنـاعــه
مـثـل الكمـثـرة والفـحـم والطراطـيـع=إلـيـا أنتـهـت بـاعــه يجـيـبـون بـاعــه
إطـلاقـهـا مـعــدود فـــوق الأصـابـيــع=مـاتـمّـن الـخـايـف لـيــا جـــاه راعـــه
ولــو جالـهـا فالـعـيـد كـثــرة وتـوزيــع=مـردودهـا الـمـالـي لـــراع البـضـاعـه
وإتـراثـنـا مـاظــن يـحـتــاج تـشـجـيـع=ولا صابـنـا فـيــروس فـقــد المـنـاعـه
نــوفّــي الــقــالات ونــســد فـالـريــع=وقـت اللـزوم اللـي يخـص الجمـاعـه
والـنــذل لا فـزعــه ولا ذكـــرٍ يـشـيـع=وراع الـــردا يـحــرم عـلـيـنـا مـتـاعــه
وإخــذوا عِـبــر يامبـعـديـن المـرامـيـع=هــذي نصيـحـة قلتـهـا عــن قـنـاعـه
عبدالله بن سعيد الجعيد