قصيدة الشاعر الكبير راشد ابن جعيثن يرثي الامير سلطان بن عبد العزيز رحمه الله.
يضحك حجاجه ضحكة الحي للحي=لولا الكفن مدوا له الخط يقراه
تقول كنه سالم ما حصل شي=للموت نور في ملامح محياه
ما مات في وجهة مثل غيره الضي=كم واحدٍ كذب سموعه وناباه
للمنتظر كنه يقول اصبر شوي =سج ونسى الداعي على ما توراه
ودموع عيني نضح غربٍ على طي=دمع اليقين يسابق الشك بخطاه
أبي امسح دموعي ولا وصلت يدي=قمت ارتجف واصيح من حر فرقاه
ليت القدر به ما كنس وارف الفي= ليت الأجل لأيتام الأيام خلاه
هذا بعد لقلوبنا والله الكي= كيٍ يزيده بالحزن بلسم دواه
| التوقيع |
|
التوقيع
محمد الذيابـــي |