[عبدالله قطنان القوبع]

السلام عليكم ورحمة الله وبركاتة
قصيدتني في حفل سفربن بدربن عبيريد العضياني
التي القيتها ليلة 29/11/1432هـ في زواج ابنه محمد بن سفر امل ان تعجبكم

ياسلام الله عليكم يارجال الطاله=من هجوسن نيته ماغار وحده نيه
جاكم القوبع معصب غترته وعقاله=محتزم بالسيف ذو حدين والجنبيه
المعاني واضحه والخيل بالخياله=والمواقف واجبه فالساعه الحسميه
في محل الشايب اللي عالين منزاله=شايبن كله سطر لوترفع الطاقيه
جيت ابارك بسم ربعي محتمين القاله=ربعتن من طبعها ماتترك الجديه
مذخرة عودن ذخركل السطر لعياله=قوبعين حطله منزال فالعليه
بارك الله حفلكم ياهل الحفل ورجاله=وبارك الله لبنكم حياته الزوجيه
والله اني لواجي ماذوق غير ابياله=عندكم ياهل الوفى تسوى لها نجديه
يابوغازي كل رجلن ينذكر بفعاله=وانت فعلك نذكره فالجلسه العاديه
انت ابوك اللي قليلن فالرجال اشكاله=كم نعد من الكرم والطيب والجاهيه
ياسلالة شايبن يوم اللقى يعناله=لشتبك صوت المشوك والدلي مكفيه
الرجل يطلع لجده قبل ابوه وخاله=وانت جدك ماترك تروح عنه اشويه
انت رجلاً كل ربعه طيبين امثاله=عصبتن نفخربها فيامنا الحاليه
وانت ابوغازي وغازي فالرجال لحاله=الله انه يحفظه من كل شر وسيه
لاكتبنا الشعر في مثلك تطول حباله=والرشاء من قاعة الجمه يجيب دليه
مانطالع لرجل من سنحته وامواله=لومعه مال العرب والدوله العبريه
نلتفت للرجل لاقالو كريم سباله=بالاضافه لـ الضفر ووموره الدينيه
الرجال ثنين والثالث شرب فنجاله=فالمواقف يلحفونه ربعه الزوليه
مايسرولايضر ولاتفيد اقواله=قاصرن عن طيب ربعه كنه الحجيه
اسمعو ياربعي العضيان في هاالصاله=واسمعو ياهل الوجيه النيره والحيه
من حضر في حفل ابوغازي تهيض باله=والشعريفتح مجاله بمسيه شعريه
حفلتن تجمع وجيه الخيرفحلا لاله=قبلها عيد ارمضان وبعدها عيد الضحيه
يامقرالطيب وهل الطيب يامد هاله=القصيده جبتها في حفلكم حصريه