مرثيه في المغفور له بأذن الله صاحب السمو الملكي الامير سلطان بن عبدالعزيز آل سعود رحمه الله
الله يرحم راعي الجود سلطان=اللي سكن في قلوبنا واحتواها
الحزن بعده سايداً كل الاوطان=أهل المدن واهل القرى في قراها
سلطان يانهر العطا طول الازمان=راعي اليمين اللي كريمً عطاها
ما نجحد فعوله سلايل كحيلان=ولا احداً على مر الليالي نساها
لا والله إلى له معزه وله شان=ونفخر بسلطان الوفاء ونتباها
الحاكم اللي من طويلين الايمان=عون البلاد وفي النوايب ذراها
ارخت سدول الليل والصبح مابان=بالغيمه اللي عالقه في سماها
والموت حق ومن مقادير الانسان=والنفس لاجا يمها الموت جاها
عساه من دنياه غانم وكسبان=وبالاخره مع صفوة الخلق طاها
يارب تجعل له من القبر بستان=وتجزاه بأعماله ويلقى رضاها
ويعيش عبدالله ونايف وسلمان=والله يعز المملكه ويحماها