العـمـر يـمـضـي والمخـالـيـق مـاشـيـن=والـمــوت حـــق وزايــــلاً كــــل مــاكــان
مادائم ألا الله وحنّا مقفين=أتروح ركبانً وتاتيك ركبان
واللي من الدنيا يذوق الامرين=يعرف مدى الدنيا بحجّه وبرهان
مهما يصب الدمع من محجر العين=ومهما القلوب تشيل من هم وأحزان
اليـا بكيـت أنسـان مـن نـاس غاليـن=يجـيـك يـومًــا فـيــه يبـكـيـك الأنـســان
وأحظ من ساعـة وفاتـه علـى الديـن=وكـــلاُ لـمـوتـه قـــال مـرحــوم يــافــلان
ياسبت صبّحت العباد بخبر شين=والدمع فاض من المحاجر على شان
وفاة أبو خالد صعوط المجانين=درع البلاد وشذرة السيف شامان
زعيم من رؤس الرجال المسميّن=ال السعود ملوكنا طوال الايمان
قد شال ماشالت ظهور البعارين=دون الوطن كنه على سرج وحصان
حزنت على موته قلوب الملايين=والله لنبطي وأكثر الناس حزنان
نبكي عليه أيام وشهور وسنين=وتبقى مواقيفه على مرّ الأزمان
والله يــعــوْضــك يـــابـــلاد الـمـيـامــيــن=والله يـعــوْض ملـوكـنـا فـــي كـحـيـلان
وعـسـاه فجـنـان السـعـد قـولـوا أمـيـن=والله يــزيــد قـلـوبـنـا صــبــر وأيــمـــان
لـو الجبـال رجــال طـاحـت ضلاعـيـن=ولو البحر ينطق بكى فـوق سلطـان
مــاقــول عـقـبــه مـاتـبـقــى سـلاطــيــن=مـــادام نـايــف حـــيّ مامـــات سـلـطــان
عيضه الثبيتي23/11/1432هـ