السلام عليكم ورحمة الله وبركاته
ادعكم مع ابيات بسيطه لعلها تحوز على رضاكم
وارجو من احد الاخوان الافاضل تنسيقها
لاني عجزت فيها حقت التنسيق وابلشتني
من يامنك ياوقت ماهوب محضوض=.عزي لمن يامنك ياوقت والله
صدقك معي كنه كما مخضر الروض=مر ٍ تفي وامرار شكواي لله
الظاهر ان العهد وياك منقوض=كم يوم ٍ افرحبه وتاليه عله
لاشك مارجي منك ياوقتي العوض=ارجي عطا اللي يعطي الخير كله
رب ٍ جعل خمس ٍ لنا كلها فروض=ياسعد حض اللي رضا الله دله
اخير من رجلٍ يخوض الحيا خوض=للمال يسعى, ويلحق الفرض خله
هذا ترا مبناه هزل ٍ ومقضوض=ماينفعه في طلعة الشمس ظله
وفعل الرجال بحزة الفعل ملحوض=واللي فعوله قاصره عنك, خله
بعض الرجال افعالها فـالرخى عروض=وبعض الرجال الطيب فيها جبله
وبعض الرجال إطبوعها فيهن إغموض=وإلها على قرض المقفين مله
وبعض الرجال إلها على المرجله نوض=وإلها من الطربات ضو ٍ ودله
وهذا علاجي كل ماطحت ممروض=وابيات شعر ٍ بين عقد ٍ وحله