هلال هليل الشيباني
الشاعر البيطار يقدم لايخاف=انكان هو صيته رقاء فوق العلاه
الاش يبقى لاش لايمكن يحاف =لاتنوخذ بنته ولايغذى نماه
معجب العتيبي
الشاعر اللي لو تكلم مايشاف=مادام صيته ماظهر محدٍ يباه
واليوم جيته قلت اوريه المطاف=يمكن يدل الدرب ويسدد خطاه
هلال هليل الشيباني
ياصاحبي حذرا تلف مع الملاف=راع العلوم الناقصه يلقى جزاه
وانا متعشي ماجرا ليه خلاف=يومن بعض الناس مايلقى عشاه
معجب العتيبي
اللي يمد رهاف قدامه رهاف=للمر مر وللحلا زايد حلاه
ماذمكم ياهل القلوب اللي نضاف=والشاهد المعبود في عالي سماه
هلال هليل الشيباني
ياصاحبي واجب عليك الانصراف=مانته بقادر تهدم جبال السراه
يابن العرب واجب عليك الاعتراف=ولا قوي الحيل جعلك من فداه
معجب العتيبي
النجم لاحول ولا فيها خلاف=ماعاد يرجع يابن ابن مشيب وراه
المرجله توخذ وتعطا بأحتراف=ماحازها اللي ضاع عمره في عماه