السلام عليكم ورحمة الله وبركاته
هذه قصيده متواضعه من كتاباتي اتمنى ان تنال اعجاب الجميع .
ياماحلا المسراح مع طلعة النور = بعد الصلاه وقبل ماتشرق الشمس
مرتاح للمسراح مانته بمجبور = اما على فكسار ولا على جمس
آخر مديل اكشن صبورٍ على الجور = لو انه اكثر حسساته على اللمس
واليا اشتغل ماكن فالبدي ماطور = كن اشتغاله فالاذان ايهمس همس
نصَه ديارٍ يمها الخير مذكور = ممشاه بالساعه من اربع اليا خمس
يازين في دارٍ من الوسم ممطور = مشيه وطمس اللي مضى من شقى طمس
في خايعٍ متروس نوار وزهور = ممطورٍ امس وليتلول وقبل امس
واليا اذن المغرب وصليت ماجور = نزل معاميلك بريح الثرى وامس
واجلس وشب النار يامحكم الشور = واحمس دوى الخرمان فوق اللضى حمس
بريةٍ ماسويت فوق دافور = فنجالها يجلا عمس خاطرٍ عمس
هاذي طراة العمر والبال مسرور = في موقعٍ ماللبشر بالوطا رمس
اخوكم / قيس الملوح العتيبي