[سعود العصيمي]

مقعد الدغيلبي

والله أنا لونغيب اشهور وايـام وليالـي=مانسينا مجدنا وفعولنـا واللـي ذخرها
عد ماتشعل بروقه في مقاديـم الخيالـي=مرحبا ترحيبة(ن) من عينها يقدح شررها

سعود العصيمي

بارك الله فيك ماذمك وابه للعلم تالي=والعلوم الطيبه مافادها الا من قدرها
عد ماهبت هبوب وعد ماهل الهلالي = البقا ردية ٍ تظفي على جمع حضرها.

مقعد الدغيلبي

افتحوا باب التسامح واقفلوا باب الجدالـي=قبل بقعاء لاتحطك صـرةٍ داخـل صررهـا
يالعصيمي بشتك الآشقر مايسوآآله ريالـي=شرهتك تضفي على اللي مدها واللي قصرّها

سعود العصيمي

كان فوقك ذنب فدع الله يغفره لاتبالي = وان ركبك الحق فحقوق الرياجيل اتخبرها.
لاتذم البشت الاشقر بالثمن فالسوق غالي = وانت غايب عن بني عمك وغايب عن ديرها.

مقعد الدغيلبي

ماعلي ذنوب وانته تالي الهجره شمالـي=مايضيق لو دنيـاك مايسمـن ضهرهـا
خابرين البن معباره مع حلوق الدلالـي=في مدار الشمس مايطلع يابو طايل قمرها

سعود العصيمي

شوف الك واحد يمشيها الك ويخلي مجالي =العصيمي يسبح الغبه ويسبح في بحرها.
انت ماشبيت نار صغير توك من عيالي=والسوالف ما يشابه ظهرها لبة نحرها.

مقعد الدغيلبي

ليتني مرتاح ومتكي على حمر الزالـي=واتقهوى واتفكر فالمجـالات وصورهـا
الرخاوه في جمالك والصلابه في جمالي=ترغي جمال العصيمي قبل لاتطلع وعرها

سعود العصيمي

كان ودك تستريح ارتاح وسـدك لحالـي=عن كثير من العلوم يسد شي من ثمرها!!
مايعرفون السيوف اللي يحدون المحالـي=مثل ابوفيصل يغر من العلوم ومن خطرها.!!

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

آخر تعديل سعود العصيمي يوم 13-Oct-2011 في 07:06 PM.