عبدالله جبار العتيبي
ياسلام الله سلامِ للقبيلـه مـن ولدهـا=للقبيله كبلوها من بحرهـا لا بحرهـا
كل سابق ماتفوزإن كان ماطلعت بيدها=قالها اللي في ضميره غيمةٍ زايد مطرها
إبراهيم الحربي
مرحبا بك ردة تركز على القمه عمدهــــا=والقبيله في حما شيخ ذلوله ماعقرهـــا
كل سابق ماتفوز الا ليا جابت جهـــــدها=قالها اللي سابح غب المحيطات ونهرها
عبدالله جبارالعتيبي
البقى يقفى البقى في ليلة زايـد بردهـا=السماء من فوقها والناس معروفه جررها
الخوافي في مهدها والحقايق في وعدها=والأوادم ماتشابه في ظهرها في ظهرهـا
إبراهيم الحربي
لاتكثرها وتكثر ثم تبلش في عددهــــــا=السوالف ياوسيع المعرفه عندي خبرها
الخوافي في مهدها لين يحملها لحدها=لاتطير من هواجيس الليال ومن كدرهـا
عبدالله جبار العتيبي
مانصدق في كلامك لين تعطينا سندها=وسمنا في خدها حوبا وشاهدنا نصرها
والله إني ماقردت الناس مار الله قردها=لين صارت يالحريبي علةٍ داخل نحرها
إبراهيم الحربي
ماطلبتك تزكيه مير احمد الله واعتـمــدهــــا=اعرف ايام السنه ياصاحبي واعرف شهرها
انت في بيتك ولا تسمع ليا دنـدن رعــــدهـا=لين هلت واستهلت عند ربعك في ديرهـــــا
عبدالله جبار العتيبي
لازم أتمرالزلامي والزلامـي ماجحدهـا=بس أضنك ياصحيبي منت جايبلي دررها
الله أكبر والله أكبر عينكـم جاهارمدهـا=بعد صياف السحيمي بنتكم باين شعرها
إبراهيم الحربي
الزلامي كامي الهرجه ونعمته يحمدهـــــــا=مير اظنك ياصحيبي معمي تالي بصرهـــــا
بعد ماكبد العتيبي جالـــــها هم ولهدهــــــــا=كيف ينشد عن بلاها كيف ينشد عن خطرها
عبدالله جبار العتيبي
خاتمتكم يالحريبي كلبوها أمـر ودهـا=أنت فبداية طريقك أنتبه تتـرك أثرهـا
الملاعب من أسدها والعتيبي هوُ أسدها=وبيضة الديك الوحيده للحروب الله أمرها
إبراهيم الحربي
انت زراع المصيبه وانتـــــــه اللي بتحصدها=مير بالله لاتصورها وتقعــــد لك صـــورهــــــا
ياعتيبه ياتهاويل الهروج ويـــابــــلــــــدهــــــا=كيف باض الديك وايضا يعسا فالبيض ماارها
عبدالله جبار العتيبي
اليتيمه فالمواقع بنت ملعـونٍ نهدهـا=يالله إنك تقلع القشـران أذانـا قشرهـا
في مكانك في مكانك من أحدها لا أحدها=منت طالع للعيان ولنت ظاهرياعورهـا