سعود العصيمي
البداية ياصباح الخير ياللـي حاضرينـا=والعلوم الطيبه نبدابهـا عقـب التحيـة
كان فيكم شاعر ٍ من عقب ماجيتم و جينا=ينزل الميدان ويغني خويـآ مـع خويـه
محمد الذيابي
ياهلا بك يالعصيمي عد دورات السنينا=والعلوم الطيبه عادتك ياراع الحميـه
واجد الشعار لو الوقت متوخر علينـا=بس لن جات اللوازم نلحق الكيه بكيه
سعود العصيمي
دمت ياراع الوفا والطيب والعلم السمينا=سرها مسرا الذيابه والقويه بالقويـه!!
ودنا ننشد محمد بين حال وبين حينـا=عن سبب تغير الاوضاع فالدار العذيه؟
محمد الذيابي
وش طر لك يالعصيمي ماعليك ولا علينـا=دربها درب السنع دام السنع مافيـه زيـه
ياسعود الوضع موروث الجـدود الاولينـا=مار انا ابانشدك وش بعد حلبان عن الحويه
سعود العصيمي
ماطرالي غير دحم القوم بالجنب المتينـا=والسنع هو غاية المطلوب دام النار حيه!!
خل قلبك للشمال وخـل عينـك لليمينـا=والاجابه مثل عيد الطر عن عيد الضحية؟
محمد الذيابي
انت صادق في كلامك مير قـل للجاهلاينـا=من يـزور المملكـه لابـد زار الفيصليـه
ابن سينا يوم جا دكتور وش جاب ابن سينا=انت حاول تذبح الموضوع والدنيـا مديـه
سعود العصيمي
مجلس الشورا يبي له هيكله حتى يزينـا=غيروا فعضاه والا شيلوا الطاقـم سويـه.
وابن سينا ظاهر ٍ ذكره من السيف السنينا=ماانت جاهل ماذكره ومافعـل فالقنصليـه.
محمد الذيابي
مجلس الشورى يديرونه هل العقل الرزينا=مايغيّر طاقمـه حتـى يحلـون القضيـه
ياسعود الوضع متعقد ولا هو فـي يدينـا=مير هاذا ذنب من خلا السلـوم الاوليـه
سعود العصيمي
والله إنّـا مانبـا ماكـان متخفـي يبينـا=مانبا الا العود الازرق يدرج والشاذليـه.
ابذل المجهود فالملـزوم يـاذرب اليمينـا=واعرف اني معك فالماجوب ماقصر بشيه.
محمد الذيابي
مانذم اصحابنـا مادامهـم منّـا وفينـا=خابرينك تعشق العليا ولا تبغى الرديـه
ياسعود اجيك بالاخبار لن رحنا وجينـا=وان قنعت اقول لك ياصاحبي عيشه هنيه
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|