سعود العصيمي
البداية ياصباح الخير ياللي حاضرينا =والعلوم الطيبه نبدابها عقب التحية
كان فيكم شاعر ٍ من عقب ماجيتم و جينا =ينزل الميدان ويغني خويآ مع خويه
محمد الذيابي
ياهلا بك يالعصيمي عد دورات السنينا=والعلوم الطيبه عادتك ياراع الحميـه
واجد الشعار لو الوقت متوخر علينـا=بس لن جات اللوازم نلحق الكيه بكيه
سعود العصيمي
دمت ياراع الوفا والطيب والعلم السمينا=سرها مسرا الذيابه والقويه بالقويـه!!
ودنا ننشد محمد بين حال وبين حينـا=عن سبب تغير الاوضاع فالدار العذيه؟
محمد الذيابي
وش طر لك يالعصيمي ماعليك ولا علينـا=دربها درب السنع دام السنع مافيـه زيـه
ياسعود الوضع موروث الجـدود الاولينـا=مار انا ابانشدك وش بعد حلبان عن الحويه
سعود العصيمي
ماطرالي غير دحم القوم بالجنب المتينا =والسنع هو غاية المطلوب دام النار حيه!!
خل قلبك للشمال وخل عينك لليمينا =والاجابه مثل عيد الطر عن عيد الضحية؟
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|