بسم الله الرحمن الرحيم
أعضاء ورواد هذا الصرح الشامخ
السلام عليكم ورحمة الله وبركاته
من خلال هذا المتصفح العطر بوجودكم أضع بين أيديكم هذه القصيدة
للشاعر/
عقاب بن عبدالله الغنامي
التي قالها
في العميد/
منيف بن زيد المسعودي النفيعي
التي تدل على وفاء وصدق مشاعر هذا الشاعر الوفي
إليكم القصيدة:
استهلي ياهجوسي من الفكر الغزير =لين قلــبان المعاني تفوح بجمهــــا
دام الأرض مكورة في فضاها تستدير=والقلوب النابضة ما تشح بدمهـــا
ما يهس الطيب الأول عن الطيب الأخير=لو تهس الطلقة اللي بلاها بمها
راكب اللي كل ما دق ويله للمسيـــــــر=يشرح النفس الحزينة ويبعد همها
مركب أصحاب اللوازم مع الدرب العسير =كل ما ضاقت افجوج البسيطة خمها
لشتبك رباض وعروق والمطلع خطيـــــر=واستدارو من عجزهم توجه يمهـا
يفتح الطرقة كما يفتح الدرب الأميــــــــر=لين زيزوم المسافات يطوي كمهــا
في مســيره مثل طـيرن توجــه للمطــيــر =مرخين صدره وروس المناكب ضمها
الهدد ما له مع البيد وصف ولا خشير =ولو تحدد نقطة الفــوز شوحــــه زمهــا
من عفيف مسرحينه مع الفجر الأخير =متجـه لهل الحساء والنسيم يشمهـــا
ناصن اللي له معزة وله قدرن كبـيـر =الرفيق اللي فعول الوفاء ملتـمهــا
لو يحول الوقت بيني وبينه والهجير =ماتغير لــو الأيام تدفـق سـمهـــــا
أشهد إنك غير يا منيف لو الناس غير=خوتك دايم رفيعة ولحدن ذمها
خوة الوافين شرواك مسكن مع عبير =ولا تسمع فالنمايم ولا من نمهــا
ايه كفو وزدت عن كلمة الكفو بكثير =لو تسيل فعول الأجواد سيلك طمها
مثل سيل غثاه والنير مع واد الجرير=كلها تنصا لواد الرمة ثم رمها
ياولد زيد النفيعي ترا الدنيا بخيــر=ولا بدا لي حاجتن لو تقلي سمهــا
والله إني ما نصيتك مضام ومستجير=بس اشوش لفزعة الطيب وأذكر عمها