بسم الله الرحمن الرحيم
الاخوه الاعضاء والزوار الكرام....اقدم لكم هذه القصيده. . في سمو سيدي /سلمان بن عبد العزيز امير الرياض ..
حفظه الله ..تظلمن ..من حادثاً حصلت لي وهو كان خارج البلاد.....
يا الله خلاق يوم الهوايل=يامرسل بالخير محمد بشره
تكتبلنا من باب لطفك نوايل=وتشفي جروحٍ بالحشى مستعيره
وسلام ياميراً كريم السبايل=يابن الرجال اللي خصالك نديره
يافزعت المظلوم جمل المثايل=يافرحت اللي موجعاته دهيره
يابن السعود اللي تروس الحمايل=أهل الحكم والدار سيوفاً شطيره
ياسيدي سلمان نقض العضايل=يامسند اللي جايراته مريره
زابنك من حالت عليه الملايل=أمسى وحيداً كن ماله عشيره
وانا عتيبي من عزيز الخصايل= انا على الطيب حقوقاً كثيره
ياما دفعنا الجيش والدم سايل=طوع الملوك مكملين المسيره
وياما ركبنا بأمهات الفتايل=امع الموسس محتمين الجزيره
ويضاً ولاانسى طيبين القبايل=سواقت المركي نهار الجريره
يامير أنا وقتي عليه تمايل =أركى علي الوقت حمولٍ حديره
عجزت الشيل الحمل والهم جايل=أبخاطري صارت همومي خشيره
أشدي غريقاً طاح بأم النثايل=في صحصحن خالي محدن يديره
حول بدلوه ثم جاك أمتهايل=فالجمه القصيا تسمع نثيره
ماله جدى بالقيض حام القوايل=أمسى وحيشاً والسماء مستديره
ولاجدى من قشه السيل عايل=في نصف ليله بالهطول الغزيره
اله ثمان الشهور يزرع حصايل=للحول مستدين وحاله عسيره
أظلم عليه الكون والهم كايل =يسم حاله مالقى من يجيره
وانا زبنتك ياعريب السلايل=يوم أنت للمظلوم حزام اوذخيره
ياسيدي سلمان عيني تخايل =شوفك ونا بالسجن حالي حسيره
هذي عشيراشهور والحول حايل=والوقت دكتور الليالي الخبيره
وياسيدي ساس الفخر والجمايل=في غيبتك غارة علي المغيره
عدى علي اللاش غدراً وصايل=وطرق على خدي بكفه يديره
وانا بأمان الله ولاني بسايل=لكن فاجعت المواقف جبيره
لاصار معك اهلك وتمشي محايل=وعدوا عليك مغيبين البصيره
بعصيهم وشر عيال الهبايل=مايدركون ان المحارم خطيره
ودافعت عن نفسي والشك زايل=ياكيف ابصبر يازبون الكسيره
أنظر بوضعي ياكريم السبايل=أطيب طيبك ونت لطيب اميره
وصلاة ربي عد رش الهمايل=على بشير الخير محمد بشيره