السلام عليكم ورحمة الله وبركاته
اعضاء وزوار وطاقم اشراف ادارة منتدى الهيلا.
من محاورات المغتره القديمة
اقدم لكم هذه المحاورة امل تحوز على رضاكم
صياف الحربي
سلامي على فيصل سلام ٍ يصف احساب = ومن لايصف احساب ماعاد نبديبه.
تغيب النجوم ونجمنا فالسماء ماغاب = يانجم السعد ياللي عرفنا هناديبه.
مستور العصيمي
هلا مرحبا بك في محل ٍ وسيع الباب = يغني بها منهو بدبرة معازيبه.
انا وانت ياصياف هذا الليال أصحاب = كماانك لياشفت الك طرقي تحييبه.
صياف الحربي
ترانا رجال وسيفنا يقطع الارقاب = ولكن ذاك البشت لاعاد توميبه.
عرفت الدروب البيض يوم ان راسك شاب = منول يروح الليل كله ماتدريبه.
مستور العصيمي
والا ياحروب اسيوفكم مالها مضراب = مغير الزبون اللي على الجنب توميبه.
سلامة عظامك من وجعها وسم الداب = تناسيت منا فرضك اللي تصلي به.
صياف الحربي
تبا تاكل العربان لكن مالك ناب = كسرها ولد حربي طوال ٍ مشاعيبه.
توقع عليك الهون لاتقطع الاطناب = تطيح الخيام وتالي الليل تسريبه
مستور العصيمي
تناسيت وقت ٍ فات والله شديد اعقاب = آثر من يكب الدرب تحفى عراقيبه.
علشانكم ولعت مشهاب من مشهاب = ولكن ابن عواد أنا ويش اسويبه.
صياف الحربي
تبا تمسح اللحيه وتفتلي الاشناب = تحسب اني اللي تاخذ ثم تلويبه.
كتبنا لك ارسالة عرب في جناح اغراب = وخيم عليك النوم ماعاد تدريبه
مستور العصيمي
انا ضربتي في صاحبي جرحها ماطاب = ضعيف الرجال اللي تغره هناديبه.
معي لاتطب السوق ياالتاجر النصاب = كفيف النظر والسمع معاد توحيبه.
صياف الحربي
جناحك نزل ياصقر يامكسر المخلاب = وانا غار اطالع في جناحك وثاريبه
تبا تتعب الاقلام واتعذب الكتاب = لقانا العصيمي وابلشتنا مكاتيبه.
مستور العصيمي
والاياصحيبي دوب وقعت فالانشاب = اسندك مع وادي حنيفه وتنحيبه.
احملك حملة 00 ماشالها قلاب = زمان ٍ تبا تبكي وتشكي عواقيبه.
صياف الحربي
لاتزعل على الاصحاب تدريبك الاجناب = وانا ماني اللي يدخل الداب في جيبه.
قطعنا الديوس اللي منول لها حلاب = ولكن خل افلان يرفع محاليبه.
مستور العصيمي
لوانك جبل سنجار عندي تراك ذباب = ابا اشرحك للي يوصل العلم ويجيبه.
وانا ماشريت الهينه من يد الجلاب =وابو سالفة يسرح بعلمه ويمسيبه.
وهذه المحاورة فديو
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|