مرثية راوي وباحث عتيبه الكبير سعدون بن فهد الهرس المرشدي
في الشيخ الراحل بجاد بن قاعد ابوخشيم رحمه الله
الــــــبقالله والــــــدنـــــيا دبـــــور = مـاصـفت لـهل الـعبـر والـمعجزات
كـم بـنوفـيهـا الـعمـايـر والـقصور = واســـتلــذو فــي كــفول الــغانــيات
تـستـصوك وسـيلـها دايـم حـدور = والـــليـــالــي مــقبلات ومــقفــيات
مـن عـياهـا مـالـها فـالـكون سـور = واســمهــايــنبــيك عــنها بــالــثبــات
لاتـغرك لـوتـزخـرف يـامغرور = فــانــية والــباقــيات الــصالاحـات
ارتـحل مـنهـا عـصامـي ٍجـسور = هــيلــعي ٍ مــايــهاب الــمعـضلات
مـات والـمسـلم مـصيـره لـلقبور = كــود مـن تـكسـر عـليـه الـحايـمات
شـيخـنا فـرز الـوغـا واف الـشبور = مــن صــواريــم الـحرارالـنادرات
نـادر ٍمـجنـاه مـن عـال الـوكـور = قــاصــر ٍعــنه الــيديـن الـطايلات
يـلتـجي فـي جـانـبه كـل مـعسور = حــيثــه الــلي يــرتــكي لـلكـايـدات
ابـن قـاعـد قـاسـي الـباس الغيور = مـضهـر ٍصـيتـه بـكسب الطايلات
فــي بــجاد الـخيـر والـشر مـخبـور = والـشجـاعـه والـخصـال الـطيـبات
وارث ٍ مــجد ٍ عــلى الـعز مـعمـور = عــامــريــنه فــالــعصـور الاولات
بـالـمغـازي واعـتقـابـات السبور = والــغلاه الــلي هــممــهم عــالـيات
يــتبـع الـخشـمان جـمع ٍ مـايـبور = والــرمــك والــعيـدهـيات زرفـات
انـشد الـشيـبان حـدبـان الضهور = عـن سـربـهم فـالـسنـين الماضيات
يــوم دقلات الـسبـايـا بـالـضفـور = يــكسـبون الـخور فـوق الـصافـنات
وأن غزوهم قوم لقيوهم حضور = قــدمــهم مــثل الـجبـال الـراسـيات
رافـعيـن الـشلـف لوساع النحور = والـرمـاح وصـاطـيات الـمرهفات
والـجمـوع تصوك والبندق تثور = والـــعذارا بــالــصيــاح مــطنــبات
مـن وقف بنحورهم طاح معثور = صارمن ضمن الصفوف الفانيات
تـاكـله شـهب الحنادي والنصور = والــذيــابــه والـضبـاع الـجايـعات
وابـوتـركـي حـل ضـيف ٍللغفور = واحــد ٍيــعلــم جــميــع الــخافــيات
يالله انــك تــجعـله يـوم الـنشـور = فـــي ضلالــك يــايلاه الــكايــنات
بـين عـذبـات الـنهـور وبين حور = يـقطـف اثـمارالـغصـون الـيانعات