متواضعه لطهر قلوبكم .. آمل إن تنال ولو القليل من الإستحسان ..
..
..
..
حان الكلام اللي تسلطن قراره= بإسمي ختمته وأعتمد بالبريدي
الشعر كوكب والفكر في مداره = يجلب سمين القول نبض الجديدي
قامت تداحم وسط صدري إبكاره = أفواق در ٍ للمذاق الشهيدي
صوان زندي لاقدح شب ناره = والصعب طايع لي و نظم الفريدي
وتفاوت الأفكارعرف ونماره= ولاكل شاعر لاوقف يستفيدي
من لانهج له فكرة ٍ من شطاره = أصل البلاده نبض قلب البليدي
ومن لادرج له بصمة ٍ في مساره = ماورّث التاريخ مجدٍ تليدي
للعلم مبدأ والفخر وأعتباره = للهرجه اللي علمها مايحيدي
هذي فصاحة هرجها بالعباره = عندي شهادة حق علم ٍوكيدي
العفو لحظه يابنات الحضاره = علم ٍ يعم البدو وسط القصيدي
أما يمين الدار واللا يساره = وشرقه وغربه قلتها بتحديدي
بقولها والزين صار أستعاره = والله على ماأقول خير الشهيدي
حق ٍ علي النور ماأحجب ستاره = لافاق حسن الزين مجد تخليدي
أن كان به للزين مركز وأماره = سيادة ٍ ماتحتمل غير سيدي
الزين كله في مهابة وقاره = وهبه من الخلاق رب العبيدي
زين ٍ يفوق الزين سطوة نعاره = اللي على كبود العذارى لهيدي
وملبوسها للعف ثوب الطهاره = لبيه ياثوب الفرح ليل عيدي
تدرون منهي ياملا بالإشاره = اللي لها طرق الشعر في جديدي
وزود الفخر للمجد عز وسطاره= ولبالها جزل الشعر بالنشيدي
قمراًً تهين الليل في عقر داره = تهتك ستار الليل باسٍ شديدي
تضرب على أغرابه بقوة جساره = قمراءالليالي ..سطوة ٍ ماتهيدي
قمراً تعلت فالســماء للصداره = من نورها اللي بالسماء مستبيدي
شيهانة ٍ تجمع وصوف النداره = من كف راعيها تهد وتصيدي
في عينها قدح الزنود وشراره =لاسلهمت طاح المصوب شهيدي
حورية ٍ في وصفها بإختصاره = زعامة ٍ فالوقت بإسمه تشيدي
مال الصداره غيرها بالجداره = ماطالها فالرووس تلعات غيدي
بصمة عذارى والقمر في شعاره =تاريخ بإسم الزين ثابت مجيدي
تعلن على زين البنات أنحصاره= هيبة ملاك وسلطنه للمزيدي
لثارت ألها غارة ٍ خلف غاره = تضرب على القاسي برووس الحديدي
تضرب على اللي حدهن للـوزاره = لوالذهب ملبوسهن وش يفيدي
واللي ترقن لين حد السفاره = ورفرف علمهن بالحسن يستعيدي
واللي تقول الزين حمرة سماره = واللي عشق للغيد مملوك الأيدي
يابعدهن عن زين خلي وكاره = اللي غدت بالقلب وأمست رصيدي
حاولت أوصف وأنتهى بأعتذاره= جزل الشعرعنها تراجع زهيدي
وخليتها ليلي وعالم نهاره = فدوه لهـــا أعذابي وكل الشريدي
حب ٍ سكن قلب الغلا بأختياره = وسجلت بإسمه صك قلبي وحيدي
واصل الشعور أحساس غير الأثاره = يوم أستلذه دون شرط ٍ وقيدي
ويذوب له قلب الوفاء بإنصهاره = لاهاجت أمواج الغلا بالوريدي
وختامها مسك ٍ يفوح بغزاره = عطرتها بإسمه على مايريدي
أخوكم : سعد المسعودي
الحرالأشقرآخر تعديل سعد المسـعودي يوم 17-Sep-2011 في 11:44 AM.