ترى النصيحيه في زمان ٍ فات تشرى بالفلوس =واليوم تهدى فوق بعض الناس مايبغونها
وسلم الفلوس ابذاءالزمان يجيب عكفان الضروس= ويسهل ادروب عسيره للبشرياطونها
ايجيب عكفان الضروس وصارت الاذناب روس= في هجرتن ماعاديعرف شكلهامن لونها
صارت بهاالاذناب روس وزادوا اضعاف النفوس= ماينتميّز بين مذهبها ولا قانونها
زادوبهاضعاف النفوس اللي سوات العيطموس= اللي لياخافت من الذله تدير اعيونها
راحوسوات العيطموس وفالهم فال النحوس= ومن شاف وردتهاوصدرتها عرف مضمونها
وانا من أيامي ومن وقتي تعلمت الدروس=واخبرك ياصاح العرب ماهمني مجنونها
قلت النصيحه واعذروني يابعيدين الهجوس=واللي يبايشرالنصيحه يحتزي عربونها