سلامتك ماعادلي رغبة فيك
لا صد قلبي صد من دون رجعه
وما ينفعك تنشدني وشفيك
صرت افهم التمثيل واعاف طبعه
قبل التغير في طبوعك مصافيك
ومعطيك عمري كله بفرد دفعه
اللي خذيته من حياتي يكفيك
احلى لياليها وانا خذت دمعه
واللي عطيتك من حناني يدفيك
كل العمر من كثر ما ارواك نبعه
وش عاد تطلبني عسى الله يعافيك
تبعد وانا ابعد دون تلويث سمعه
صار السبب واضح ولا اظن خافيك
كافي لنا كلن يعود لربعه
وسلامتكم