[سعد المسـعودي]

إهداء لقلوبكم .. هذا النص المتواضع آمل إن يلقى ولو للقليل من الإستحسان ..



..


..

الدوافع لاتهيض شاعر ٍ حرفه درج = فارق ٍ عد المشارب ماورد عد ٍ هماج
والله إنه مايكدر خاطري حلق ٍ هرج = غير هرجت من وقاره رفعة ٍ للرأس تاج
الرفيق اللي لسانه فالقفاء رمح ٍ زرج = يلطم العين الكريمه من تحت ظل الحجاج
النوايا ماكشفها غير خلاق ٍ فرج = والبشاشه فالوجيه البيض مكنون أبتهاج
موقد النيران حاطبني بناره لاسرج = ولالقيت لجمرة المعلوق من ضيقي خراج
العمر يبدأ ويفنى مارجع لأول درج = سلّم ٍ يرقى ولاله فالقدر حكم أحتجاج
مايقد ألك الدروب البينه ممشى عرج = والرقاب العوج لوتعدل يجي فيها أنعواج
الحرج موقف شجاع ٍ فاير ٍ دمه حرج = ماقوى كسر المقام ولاأنجبركسرالزجاج
من يبري ذمته بالحق أله نور ٍ برج = حصّنه واليه مال الضيق في صدره مداج
ومن تنحت به أسلومه عن مذاهبنا خرج = والعوايد والمراجع مالها سوق وحراج
من حدته ضروف وقته لين من وجهه كرج = ناثر ٍ دمه وحادي حاجة الضرف أحتياج
لؤل عقد وجوهر الصراف من فكر ٍ عرج =صاغها شاعر وبإسمه فايق الجوده نتاج

..


..


..


أخوكم : سعد المسعودي
الحرالأشقر

التوقيع