السلام عليكم ورحمة الله وبركاته ومن العايدين وكل عام وانتم بخير
هذي القصيده بمناسبة زواج الاخوان منصور ناصر وغازي ناصر
عيال ناصر مرداس المقاطي يوم الخميس وليلة الجمعه
الموافق 10/10/1432هجري
يالله يلي تلحف الارض بلحاف =وقت الربيع ويعجب الناظريني
تطلع بذور الارض من كل الاصناف=ريح النفل والكاد والياسميني
امرك مابين الكاف والنون والكاف=كن فى يكون الامر في كل حيني
انك ثبتنا على نهج الاسلاف=صفوة الامه قدوة المتقيني
وخلاف هذا وقفت الرجل تنشاف=ندحم ولانخشى بجنبن متيني
ابشر يابومحمد ولا ني بزهاف=قدر الوفى من فوق راسي وعيني
ياهاجسي مالك عن الطيب محراف=طبعك وطبع اجدادك الاوليني
لكن شد الحيل وتعب على القاف=الوقت ضيق والمعاني تجيني
ماني بلا مطلق ولاني بصياف=لكن بأمر الله نجيد السميني
قولن عليه اثبات والراي عساف=ان صخر القاسي حتى يليني
ولانعرض الجزله على غير عراف=تعرض على اللي يعرفون الثميني
في حفل اذي مرداس ماعندي اهداف=الا المعزه لاجل دنيا وديني
احفاد عودن فى المواقيف ماخاف=مرداس ولد حنيف ذرب اليميني
قد بان يوم ان الخصم يرجف ارجاف=يشهد على ماقول ماض السنيني
ويشهد اله برزان ماعندي اجحاف=صغير سن اورد الصامليني
يرهي على الساطي ولاينكف انكاف=الله يغفرله مع الصالحيني
ولامات من خلف ولايلحقه اخلاف=اللي على نهجه من الطيبيني
واللي بعد مبروك من صدق وانصاف=مبروك ثم مبروك لكل الثنيني
وبسم القبيله كلهاراس وطراف=يامرحبا بضيوفنا الحاضريني
يامرحبا واعداد من زار واطاف=على المشاعر كلها والقريني
حي الله الضيفان يو م الفرح ضاف=على وجيه ضيوفنا الغانميني