سعود العصيمي
بعد زل رمضان وبعـد عيدنـا وزل العيـد=سلام الله سـلام ٍ للقبيلـة دائـر ٍ عـوده
يابو فيصل بعينك عاين لـعيد وماسوّى عيد=تبا يلقى بياض الوجه من رفحا ليا السوده.
مقعد الدغيلبي
بعد زل رمضان وفات حددت الخبر تحديد=هلايامرحبا ترحيبـةٍ فالوقـت معهـوده
هذاك اللي كما موج البحر مامد مد زهيد=يبايزيد العدد واعدادها ماهيـب معـدوده
سعود العصيمي
يدوم الك البقا والله يفعل مايشـاء ويريـد=تهرج والعلـوم الطيبـه علامـة الجـوده.
ذراعك يالنعيري ماهو اقصر من ذراع حميد=على فعل الوفا والطيب فصدوره وفـوروده؟
مقعد الدغيلبي
اناخابرك منته فايدلـي يالعصيمـي فييـد=بعد خيّل خياله وارزمت في وسطه ارعوده
ترا مهما فعلنا الطيب معك تقول زيد وزيد=وانابلشان كم حاشي وكم حقـه ومفـروده
سعود العصيمي
ترا بيت ٍ بليا سـور لاظـل ٍ ولا تبريـد=مثل يمنآ بلا يسرى وحك العود فعـوده.
مادام الله عطاك ومدك بحض ٍ عليك سعيد=عليك اتجود للي مدك بجوده ومجهـوده.
مقعد الدغيلبي
ولاياشعيل ترغي وانت توك ماوصلك القيد=ومنهو يلطم عيونه لآآبده يجرح خـدوده
ماباقي غير اباخيّرك في جمله وفي تفريد=محلك داخل المحدود مع عربان محـدوده
سعود العصيمي
ليامنه زغرك ابليس قدامك هل التوحيد = يسدك ضربة من واحد ٍ منهم بجلموده.
تراي اليا زعلت وقمت ماشي ٍ علي بعيد = عليك اقلب ليالي الوقت من بيضه لياسوده.
مقعد الدغيلبي
اناماقلد العربان واكـره اكـره التقليـد=ومنهو يفتل عضوده نخدر فاتل عضوده
تهدد ماتهدد ماعلى مقعد مـن التهديـد=تريح قبل لآنشقك من نـاره وبـاروده
سعود العصيمي
علي اوجهك للدرب الابيض قبل ضرب الحيد=ولن ضيعتها يبقى الوطن في حماية جنـوده
وهذا كامل النشره مـن الاخبـار بالتوكيـد=ولايحتاج اكرر كل يـوم العلـم وعـوده .
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|