قصيده للشاعر/مصلح بن عياد الشلوي...
الله من نجمٍ هوى بين الآمواج=تصافق أمواج المحيطات دونه
نجمٍ يهد أبراج ويهدد أبراج=وأحدٍ يبونه وآحدٍ ما يبونه
وأنا ليا شفته يسبب لي أحراج=خطرٍ على قلبي تمايل غصونه
مدري معي حجه ومسلك ومنهاج=وآلا غصون القلب فيها ليونه
يا نجم ما سببت لي غير الأزعاج=والمسكنه والمهزله والمهونه
والحزن والدمعه وتفتيش الأدراج=والمنزل اللي يكسر الوجه لونه
والآسر والتعذيب والقفل أبو تاج=وذيبٍ مع الغبشه تبارق عيونه
أحرمتني من دار الآسرى والآعراج=دارٍ سلاطين الملوك يحمونه
وأحرمتني من شوف الأبناء والآزواج=والبيت والمسجد والاُمّ الحنونه