تلبية لدعوتي لسموه الكريم شرفني مساء البارحه صاحب السمو الامير سلطان بن محمد بن سعود الكبير بزياره كريمه بمنزلي وكان بمعيته حفظه الله عدد من أصدقائه وأخوياه ومنهم جهيم الذيابي وسعود بن خربوش الشيباني
وكان في إستقباله عند وصوله حشد من اخواني وأعيان جماعتي النباعين و الشيخ الشاعر الكبير غالب ابو كتيفه العصيمي والشاعر سعود الجناحي المطيري
والقى الشاعر غالب ابو كتيفه قصيدتي احدهما قالها عند عودة خادم الحرمين سالما معافى من الخارج
والثانيه أبيات ترحيبيه يسمو الامير في هذه المناسبه قال فيها :
مرحبا ترحيبٍ أبديبه وأقوله=عد من زار الحرم طائف وساعي
مرحبا بليً يشرفنا وصوله=سيدي سلطان محمود المساعي
سيدي سلطان مادحته فعوله=في سموه سيدي للمدح داعي
يرتكي للكايدات ولاتهوله=الثقال اليا إتقى عنها الرعاعي
ثم القى الشاعر سعود الجناحي المطيري قصيده ترحيبيه أيضا
هلابك يابو نائف عد ماهبت هبوب النود=تراحيبٍ لحضرتكم نقدمها ونهديها
أرحب بك يابو نائف وأهلي باسم أخوي حمود=ارحب باسم ابن خيشوم والهيبات يحميها
هلا يا بن االكبير ابن الكبير سعود=على وضح النقا وفعولكم بانت مواريها
أرحب بك وأهلي بك كمنك مركزٍ للجود=تزوم المرجله يابن محمد وأنت راعيها
وبعد إنتهاء الزياره كان الجميع في وداع سموه الكريم ولا يسعني الا شكر سموه على تلبية الدعوه
وزيارتنا حفظ الله سموه وأمده بالصحه والعافيه