[قاسي العتيبي]

طاروق مميّز من حفل الزواج الجماعي لقبيلة الحشابرة من قبيلة عتيبة صيفية 1431هــ بمدينة الطائف بحضور الشعراء ملفي المورقي - مصلح بن عياد - سفر الدغيلبي - محمد السناني
اخترت لكم من تلك الحفلة طاروق مميّز بين الشاعرين مصلح بن عياد وسفر الدغيلبي
وفيما يبدو لي أن بن عياد مسوي حاجة في الحفل وسفر يحاسبه عليها

سفر الدغيلبي
ابن عياد سوى مشكلة مع عتيبة
مير ويش اسنعه والمشكلة وش سنعها
بعد ماذاق شلفاء المورقي فالتريبة
يحتمل شلفاء ابن عمي وشلفاي معها

مصلح بن عياد
ياعتيبة ترا ماني مسوي مصيبة
المصيبة لها واحد يجي في سنعها
ارفع الشوف لا نضربك ضربة عطيبة
تأخذ أيام وأنته منسدح من وجعها

سفر الدغيلبي
كان عيّا الحكم يخلص طليب وطليبه
اشتر بريهة العسكر وغترتك بعها
معك بندق ولاكن ماتصيب الضريبة
لو ذراعك يحاول رفعها ما رفعها

مصلح بن عياد
الحكم حكم عادل والعلاقة صليبة
يردع أهل الطمع ويردها عن طمعها
بندقي وقعت في رأس رجال شيبة
من يد اللي ليا بارز خصومه قمعها

سفر الدغيلبي
البحر فيه حوته والجبل فيه ذيبه
مير عقّل ركابك وأهل الأشوار طعها
أنت ضخّمت نفسك فالليال القريبة
لين سبع الأراضي ضاق بك متسعها

مصلح بن عياد
الجبل فيه ريبه والبحر فيه ريبه
والمنافق ليا سوى علاقة قطعها
لاتدور وراء حاجه خذوها غصيبة
دوّر اللي ليا جاب المفطح شلعها

سفر الدغيلبي
لاتحسب النشاما تمرة ٍوسط عيبه
النشاما لها تقدير في مجتمعها
ازرع البر الأحمر والبصل وش تبي به
دام كلٍ يحصد الزرعة اللي زرعها

مصلح بن عياد
اترك اللي يشيل الدأب في وسط جيبه
والقسيمة خذاها والغرامة دفعها
الغلط مانحبه والبصل مانجيبه
غلطة المطبعة في شارب اللي طبعها

آخر تعديل قاسي العتيبي يوم 17-Aug-2011 في 02:47 AM.