[عـقـــــــــــاب]

المشاركة الأصلية كتبت بواسطة بناخي الايداء

الرياض – الوئام – عبدالله وافيه :

وفيما يلي رد القرني على الشاعر بن عرويل ، كما وصل للوئام :

عتبية الهيلا على العين والراس = لطّامة العايل وذبّاحة الحيلْ
ان جات للأمجاد عشاق نوماس =قوم مكاسبهم خيار المحاصيلْ
افعالهم تشهد لها ساير الناس =وتشوفها الاعيان مثل المخاييلْ
فوق الكواكب والمشاريف جلاّس =تقول في جو البسيطه قناديلْ
مناقبٍ ما يحتويها الف قرطاس = هم مزبن الخايف وعدالة الميلْ
مجدٍ من الماضي مشيّد على ساس= وبيوت عزٍ للنشامى مداهيلْ
وعتبية الهيلا كتايـب وفـرّاس =حمّاية التّالي ورّكابة الخـيـلْ
تـرى العرب قالوا:هوازن لها باس = متوارثين المجد جيلٍ بعد جيلْ
هم عسكر التوحيد للدّين حـرّاس =حزام دولتنا إذا طفّف الكيلْ
إلاّ عتيـبه يا قليلين الإحسـاس =يا متلفين العمر بالقال والقيلْ
و صانع النّمات باخماس واسداس =مثواه يوم الحشر مع صاحب الفيلْ
الكذب عيب وموقف الحرّ حسّاس =وشتم الرجال الذنب والعار والويلْ
يفداك يا نايف مهلهل وجسّاس =يا من يفصّل خطبة المجد تفصيلْ
يا شاعر المليون للتّــاج لبّاس =هاك السلام بنفحة البن والهيلْ
كنّك على راس المراقيب قرناس = شعرك على افواه الخلايق مواويلْ
من روعة الإبداع صاب العرب ماس =من دجلة اصفى نبع واعذب من النيلْ
كبّ الرصافي وارم عباس فرناس = جاك العتيـبـي في قصيده تهاويلْ

[/color]

صح لسااااااااااان الشيخ الدكتور الشاعر عائض القرني ولك مني ياناقلها ازكى تحيه مع الشكر و العرفان