الناديت جزلات القــوافي وجتــني = أعــرف أسـاميها وتعـرف مناداي
على سلوم أهل الوفاء عاهدتنـي = وعاهدتها من منطق العرف والراي
ولولا الظروف اللي عليها حدتني = مــا زان مبنــاها ولا زان معنــاي
مار الوجيــــه الغابرات أجبرتني = ما بين حســـــــادٍ وما بين حكاي
ناسٍ بكثر هروجها موجعـــتني = عاشت على كثر السوالف والأهذاي
جامــلـتها لكـــن مـا جــاملـتني = وقريت في نظراتها عكس ممشـــاي
كم ضحـــكةٍ ليا جيتها قــابلتني = وأن غبت يأهل العرف تطعن مقفاي
لكـــن ما يهتـــز راسي ومتني = اســاير الدنيـــا وانــاظر بممــشاي
صفق الهبوب العاتيه ما أخلفتني = أنا جبل يصعـــــب هدي ومرقاي
والعزه اللي في ضميري كفتني = عن مدحة أصحابي وعن سبة اعداي
صح لسااااااانك يابن نخيلان وتم تنسيق