هاذي قصيدة الشاعر/ منيع بن عياد العضياني
الله أكبر يا حلاتك يامنيره = أرحمي يا منوة النفس وهواها
أنتي الي فيك ميزات كثيره = فيك ميزات رفيع مستواها
إلحظنتني با لمضاليل الخطيره = بهذلتني نعنبو حي رباها
الذهب يعرف مثامينه خبيره = والجواهر ماتغير من بطاها
الله أكبر في حلاتك يامنيره =لو مشيتي في البحور أحلو ماها
ولو مشيتي في صحاصيح الجزيره =إعتقب نورها وأمطر سماها
ياعيون اللي بدت هضبه كبيره = في طرف واد الرمه شافت عشاها
أرثعت فالجول وأعذر في مطيره = و أعذبه يوم واغلها مساها
بينه فيها ملامح من سميره= مثل هاك الخارجيه في صباه
تدهش الناس الغنيه والفقيره = كود من يضفي على عينه غطاها
ورد الشاعر / قاعد الحويقل على القصيدة الغزليه لي اسباب
أبو خالد سيرته يا وي سيره = عقب شيب رد نفسه في عناها
عقب ستين السنه خيله أمغيره = جات تركض من عماها في عماها
يامنيع القول مالك فيه خيره = رح ورآك وخلها تقفي ورآها
منتحي عمرك تبا بنت صغيره = يا عميل الخير هاذي من لقاها
أنصحو يا ناس عميان البصيره=ناس ما تعرض خطاها من قداها
ليت يلقا له صديق يستشيره = ينصحه ولا يتبع النفس وهواها
استرح يا بعد وردك عن صديره = تا تروح معيف والكبد بضماها
شايب مالك دنانيرا كثيره = كد للورعان لا ينقص غذاها
لا يغرك في كلامه يامنيره = قرب الثنتين ثالثها عصاها
يا جماعه كيف ما حكم ضميره = مهتقن هقوات مايقدر علاها
خاب من شال الحزام بلا ذخيره = صيدته لوهي قريب ما رماها