تسابقت لمداعب الصبح : الانفاس=وساقت بيوت الشعر بأقفاية الليل
ولانيب من يارد على العد لا انحاس=آرد قبل يارد هل الجيش والخيل
والشعر اله حبكه وسبكه ومقياس=للي يذلل عاصي القاف تذليل
سلام يا شيخٍ للأمجاد نبراس=يا قامةٍ عدت على الجدي وسهيل
يا مرصعٍ تاريخ مجدك بالألماس=ياناشر المعروف علامة الجيل
يا عايض القرني سواليف الانجاس=نقالة النمه ضعاف المحاصيل
ما غيرت فقلوبنا يمك احساس=لأنا نبجل ناصر الدين تبجيل
ولأنك عزيزٍ ما تواطا للأدناس=ولأنك كريمٍ للبشر توفي الكيل
ولا نصدق فيك حاسد وبلاس=نترك كلام الكذب جملة وتفصيل
علمك نهل من مارده كل دراس=وشرحك يسد الناس عن كل تحليل
ورايك سديد وسيرتك ترفع الراس=وعلمك بحر واشعارك اقوى من السيل
بك مكرمة حاتم وبك فزعة دباس=وتتعب على دربك رجالٍ حلاحيل
للطيب مدهالٍ وللصعب دواس=وفي مدح شخصك يفخرن التماثيل
وللعلم عرافه وللكذب هلاس=نذلٍ يضلل واضح القول تضليل
ويا شيخ (لا تحزن) من علوم الانجاس=الشك ما له في كيانك مداخيل
،،،
صح الله لسان الشاعر بن عرويل والدكتور عائض ، فعلاً الشك بعيد عنه
| التوقيع |
تذكر
قول الرسول صلى الله عليه وسلم :-"المسلم من سلم المسلمون من لسانه ويده"
أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا |