[@عريب الساس@]

في مدخل السوق

امس العصر في مدخل السوق من فوق
امقابـل العبـاس بضـبـط والتـيـم

ساقتنـي القـدره بممشـاي يصفـوق
تعلـم ولا تحتـاج يالـقـرم تعلـيـم

مالي مع الأسـواق سجـه iiوطـاروق
على عجل على عجـل مانـي iiامقيـم

دخلت مدخال القشـر مابـه امـروق
ولا حصلي عن هـذا الـدرب تقديـم

واصبحت قلبي بين الأضلاع iiمغلـوق
شي يحطـم خاطـر الرجـل iiتحطيـم

ابصرت شوقاً ماحصل عقبهـا iiشـوق
عرفتها وهـي عرفتنـي علـى iiشيـم

سلـم ومـع تسليمتـه شـال iiمعلـوق
وازريـت فـي رد التحيـه iiبتسلـيـم

وهليت دمعٍ احرق الجفـن iiوالمقـوق
وستسلمت نفسي مع الوضـع iiتسليـم

جاوبتهـا فـي جملـة مالـهـا iiذوق
غصبـاً عليـه يهـل الجـود iiمالـيـم

يلعن ابوك انتـي سكنتـي iiبصنـدوق
خمـس سنـوات ولاترديـن iiيـاريـم

اشغلت جوالي علـى غيـر iiمنطـوق
ولاحصلـي مـن طوارفـك iiتكلـيـم

مدري من الي علمـك لعبـة iiالبـوق
على قلوب الخلق مـن غيـر تحكيـم

يالعاشق الي مالـك انسـان معشـوق
الله يبـدل فرحـة امـك بهـا الضيـم

قالت لي اصبر واستمع كـل iiمنطـوق
واحكـم عليـه يامحـمـد بترحـيـم

والله مامثلـك مـع النـاس مخـلـوق
ونك ربيع القلـب مـن غيـر iiتذميـم

لكن وقتـي يبـن الأجـواد iiمصفـوق
سنجـار عقلـك لايجـي فيـه تنسيـم

انـا طلبنـي واحـد مالـه iiاخـلـوق
ولاحصل فـي خطبتـي بعـد iiتتميـم

لكن ابي ماهو على الطييـب iiموفـوق
اعطى الخبل من غير شـور iiوترسيـم

خبلاً يعلـج اعمامتـه علجـة iiالـوق
فارغ عقل مايعـرف السيـن iiوالجيـم

يبدي بطرشه في متـن كـل iiشاهـوق
وخلف الأباعر ينعـش الـودر iiويهيـم

ثوبه عبس من كثـر مايطـرد iiالنـوق
ومصخـره ربـي لحـب iiالمجاهيـم

يدلك اسمـه يافتـى الجـود مـرزوق
يعـل رزقـه طـول الأيـام iiمـاديـم

قلت اصبري لاتنزلي ربطـة iiالطـوق
بالعون انا ماجي على السـور ياريـم

ان تمت الخطبه لك الطيـب iiموفـوق
قطعت حبل الوصـل قطـع iiالبلاعيـم

ون سهل الله ميتـت الخبـل iiياشـوق
انـا حليـلاً لـك علـي iiالمـلازيـم


الشاعر/محمد العتيبي,سنجارررررر