ياوسيع البنايد يارفيع المقام=ماتحركني الكلمه وسمسارها
خلها خلها بلسان اهلهاتنام=مايشيل القبيحه كود حمارها
يعترض في طريقي كل شخصن خمام=الذرابه يمين وياخذ ايسارها
مايميزحلال ولايميز حرام=وش تفيد المراجل وانت دمارها
ان عطانا كلام وجاه رد الكلام=كبرت السالفه ثم كبرمصدارها
نلجم الخايب الهايب بسفهه ألجام=حيتن سمها يموت في غارها
ادري انه على ماقيل برد وسلام=والعرب من عرب ماتطفي نارها
ونظرنا بعيد ونبعده بصيام=والجراده نظرها دايم بجارها
والله اني كعام اللي بخشمه عرام=نعنبو ها مذله ونعنبو دارها
آخر تعديل سعد بن مطلق المقاطي يوم 05-Aug-2011 في 01:50 PM.