[حمود بن خيشوم العصيمي]

محاوره قويه بين مستور العصيمي وصيا ف الحربي وقد تفوق مستور وعكس المعنى على صياف بذكاء ومهاره ولم يتمكن صياف من الخروج من شرك المصيده التي نصبها له مستور مستفيدا من بدعة صياف غير المحكمه


البدايه كانت من صياف حين قال :
أشوف مستور العصيمي جاب حبله وجمله 000 واليا قضى ( تمر ) الحساء جاني يبي تمر القصيم
أن مد وحده من يديه أملا يدي وحــط لـه 000 وان كان مد إيدينه الثنتــــين ( أقول الله كريـــم


قال مستور :
ان كان عندك ( تمر ) جيتك في البعير وحمله 000 لاكن لاتخلط لي ( التمر ) الجديد مع القديم
أظن صياف السحيمي ناسي(ن) وش قلت لـــه 000 وان كان ناسي قول ياصياف بالله العظـيم


قال صياف :
( التمر ) يامستور ماعندك سنونن تاكلــه 000 أكل الضروس السوس والنيبان مافيها السليم
ياللي تبي ترضي هذاك وذاك تبغى تزعله 000 أهوّن عليك ( اللفلفه ) والا الطريق المستقيم



قال مستور :
لابدنا نلقـى لنا غيرك (عميل ) نعاملــه 000 وأنا ضروسي من حديد وتكسر العظم الصميم
أن كان ماتدرون ويش الراي خلوه لاهله 000 كد قيل في الامثال ( مانزال شدد له مقيم (

قال صياف :
ينفك باب الخير للطرقي وحظه يقفله 000 درب الصحيح يصيده العاقل ويخطيه الغشيم
اليا نقصت الكيل والمكيال قلنا كمله 000 حنا ترى ماعندنا لصحابنا ( خشم وخشيم


قال مستور :
بان الصحـــــيح وكل رجالٍ عرفنا منزله 000 أحدن حياته في شقى واحدن حياته في نعيم
اللي يبي كحل العيون يلد يمي واكحـله 000 والا على قول المثل مال ( الغريم الا الغريم