بسم الله الرحمن الرحيم
في يوم الخميس الموافق 16/8/1432هــ في قرية شقصان أقيمة أمسية شعرية تلاها محاورة شعرية
تظم نخبة من أفضل الشعراء الحاليين:_
(عيد جابر الجعيد_سفر الدغيلبي_سلطان الجلاوي_إبراهيم الشيخي_حمود السمي)
بتغطية المميز والرائع(مؤسسة القصير و قناة الساحة الشعرية)
وحرصآ منــــي علــــى تقديم الجديد والمفيد ؛؛؛
قد نشرت سابقآ الطاروق الرباعي في نفس الحفلة على هذا الرابط:__
http://www.otaibah.net/m/showthread.php?t=128421
اليوم أنشر لكم محاورة أكثر من رائعه بين حمود السمي وسفر الدغيلبي؛؛؛
بطلب من أخوي المبدع والمشـــرف أبــــو فايـــح
أعجبتني وبها روح المنافسة وأفكار وصيغ جديدة على الساحة منهـــا
حنا شموس الارض وأنتم حطكم ربـــي ظلال؛؛؛؛ياواحدآ تعلو على غيري ولا تعلو علـــي
إن كان زلنا مايدوم إلا المعظم ذا الجلال
حمود السمـــــي
سلام يأهل الديرة اللي عزها الله بالرجال=شقصان دايم معتلي والحظ دايم معتلي
وين أنت عني ياسفر من عقب هاذيك الليال=وأنا ماناديتك بصوتي وأنت ما لديت لي
سفر الدغيلبـــي
يامرحبا فالديرة اللي عانقت شم الجبال=حتى مقام إرجالها ماله شبيه ولا حلي
أنت أبخص بحالك قبل لاقولك روح وتعال=أنا تملكة الوطن وأنت تعرض الخلي
حمود السمـــــي
من شرقها لا غربها ومن الجنوب إلي الشمال=الطيب في شعب الملك عبدالعزيز الفيصلي
ترى الذيابة ماتخاوت كلها تلقى مجال=اللي تعشى له جمل واللي تعشى له طلي
سفر الدغيلبـــي
صدقت مير الفرق واضح فالخفاف وفالثقال=الله قضى حكمة وباعد منزلك عن منزلي
إن قلت ياذيب الغنم وإن قلت ياذيب الجمال=أثنينها راحت ضحية تحت رجلين إجملي
حمود السمـــــي
منزالنا عالي على الدنيا ولله الكمال=ياواحدآ تعلو على غيري ولا تعلو علي
إبعيرك اللي ينقل الحملة معقل بالعقال=وأنت تمدح فية وتقول الله يخليه إلي
سفر الدغيلبـــي
حنا شموس الأرض وأنتم حطكم ربي ظلال=والظل لابانت عليه الشمس لازم ينجلي
عندي حلال ومغتني يومآ ما عندك حلال=طول السنة تسترفد جهينة وتسترفد بلـي
حمود السمـــــي
أنتم شموس الارض مير الشمس يقفاها الزوال=والهاتف الجوال بيغطي على الموبايلي
من فضل رب البيت منطلب جنية ولا ريال=إن كان جيبك ممتلي وحساب بنكك ممتلــي
سفر الدغيلبـــي
إن كان زلنا مايدوم إلا المعظم ذا الجلال=وإن كان عشنا عيشة الأحرار والمخرج ملي
لقيتكم شلة وشلة كنكم سـود النمال=لكن عملكم فالنهاية مــا يقارن بعملـي