[عناد الشيباني]

السلام عليكم ورحمة الله وبركاته



يسعدني التوآآصل معكم بهذه المتوضعه


وعسا الشهر مبارك على الجميع

شهر رمضان اقبل عسا الله يحييه=عداد ماتمطر مزون السحابي
وياجعل كل اذنوبنا تنمحي فيه=ويكتب لنا فيه الأجر والثوابي
النا شهور من الولع حيل نبغيه=وعسا نصومه مالحقنا عقابي
بسباب ماشوفه وياكم حكو فيه=واجد لكن العلم لازال غابي
بدال ما بالذكر لقبل نلاقيه=انقابله بمسلسلات وخرابي
كل(ن) يبا سوقه ليا جا يمشيه=ولا حسب لحساب يوم الحسابي
يعلن هذا برنامج(ن) وضعه اوكيه=امخصصينه للبني والشبابي
والا هذا مسلسل ولا احد(ن) يخليه=وحنا نتسمع كل واحد يبابي
كل(ن) لياافطر مايبا احد(ن) يحاكيه=منشان يسبر كل ضايع وهابي
يقرا الإمام وكن مهوب يوحيه=لاهي مع اوهام(ن) سوات السرابي
يصوم لكن التعب بس جانيه=مدام مااستغفر وليه وتابي
والمسلم اللي يطلب الله ويرجيه=يصوم ويصلي ويقرا الكتابي
ويقوم تال الليل والرب يدعيه=لن الدعاء في هالشهر مستجابي
ويستغفر الله كان يبغيه يهديه=ويغلق قنوات(ن)تبث الخرابي
وعن المعاصي دوم يقصر خطاويه=هذا ترى ياناس عين الصوابي
وصلو على اللي منهج الدين بانيه=اعداد من لطيب حث الركابي

الشاعر:عنــاد الشيباني

آخر تعديل عناد الشيباني يوم 27-Jul-2011 في 08:03 PM.