[يوسف الكرشمي]

أبدا بذكر اللي خلق كل ماصار *** وأبـدا بذكره كل صـبح وعـشيه
سبحان ربن واحداً غافراً بار *** رب السماء والارض رب البريه
طالبك يارحمن يامقدر أقـدار *** درب الرجال أهل العلوم الوفيه
الدرب درب الدين يادرب الاشرار *** درب الرجال أهل القلوب النقيه
ياناس من جنب طريقات الاخيار *** خاسر وخاسـر في حياةً مضيه
الصحبة الصحبة ترى السوق تجار *** ناسً تـبـيـع الـطـيـبة والـرديـه
بعض العرب في صحبته صارسمسار *** نـوباً على الـعزه ونوباً مـطيه
الحر يعرف في مخواة الاحرار *** والا الردي يعرف بخوه بذية
يا سامعي والعلم لا تشعم النار *** والنار تأكل كل رجلاً خطية
أنت الفهيم اللي على الدرب تختار *** تكفى ترى الطرقات ماهي سويه
يالله ياعالم بما تخف الانظار *** تستر على هالناس وأستر عليه
كلن عليه ذنوب ياناس وأوزار *** ولحدن يطهر في حياته بشيه
الا بتوبه صادقه ليش نحتار *** وشلون مانـعـزم تراها مـنيـه
والخاتمة صلوا عدد هل الامطار *** صلوا على المختار مافيه زيه

الشاعر : خالد سعد الكرشمي العتيبي