[الرااقي]

غيمن سماه ولايجي فيه عجه للشاعر بدر القوس

مرباعنا مابين فرده وعرنان**وهاك الهضاب وحول ضلعة محـــــجه

مـتخالفــن نبـته عـلى كل الالـوان**غيمن سماه ولايجي فيه عجه

في كل دور اسبوع يسقيه ودان**يـعج ريــحه فالبـــرادين عــــجه

ماله وصايف غير احليه بســـتان**بســتان زراعــن عــيونه تــرجه

يمضي ثلاث شهور مافيه نقصان**ومن بعدهايصير للــبدو ضـــجه

تـفرقوا مابيــن ريـض وعــجـلان**كلن مشـــى ماينعرف وين وجـه

يبون للمقياض مارد ومــــقطان**ويجــيلهم فوق المواريـــد لـــجه
ـ
الله يعيد ايامنا مثـــل ماكـــان**وناخذ لنـا وقت الــمرابيع ســـــجه

لوكان عمر العبد قافيه ديــــان**دنياً بــها نمــشي وفــيها عوجــه

الله يثبتنا على اركان الايمان**ويختم لنا في تالي العــــمرِحـــجه