[سعدمرزوق]

بسم الله الرحمن الرحيم


يقول من قال الكلام الصحيحي -------- والله ومر بالصدق والصدق منجاه


قول العتيبي فالكلام الصريحي ------- قولن يذب الريع يا زين مبداه


وفا لقول والافعال زين ومليحي -------- ومن زان فعله قلت يازين لاماه


وفالقول والافعال شين وقبيحي -------- ومن شان فعله قلت يازين فرقاه


الليل طول فا لزمان الشحيحي ------- وابطى طلوع الصبح للي تحراه


ياللي تخيل البرق خلك مريحي ------- لو ساقت مزون السما ما انتثر ماه


خلك على درب المعزه سميحي -------- لابد ما تارد ركابك ركاياه


كم واحد يخفي هموم تفيحي --------- وكم واحد يشكي هموم ومعاناه


واللي وفا بالجود ماله مديحي ------- واللي رقد عن واجبه زان مرقاه


ناس ورى القرشين تضبح ضبيحي ------- وزيارة الاصحاب راحت مجازاه


و الحر يشهر فالفضا ما يطيحي -------- ماينحني لو كان وقته تحداه


مثل الجبل ماهزني قو ريحي -------- و لا خاب من صبره على الضيق قواه



الشاعر / حشر عبدالمحسن بن حميد العتيبي

آخر تعديل سعدمرزوق يوم 16-Jul-2011 في 02:29 AM.