محاوره بها من القوه والفتل والنقض والتحدي
أتمنى أن تستمعون بقرائتها
علي الحصني
يامرحبا ترحيبـــــــــــةٍ بيـن المصافـح و الهجـوم == مـن شاعـرٍ قـدام يبداهـا موثـق ساســـــــهـا
يا أبن عطاء الله وش تسويبك عطيبات السهوم == دخلـت فالمحميـة اللـي وقفـوا حراســــــــهـا
تركي الميزاني
دام البقاء رديـةٍ مـن طــــــــــــاح منهـا مايقـوم == و أنا أعرف العالم و أميزها بحسب أجناسهـا
أنا أحمـد الله ماعليــــــــه لاظـروف و لاهمـوم == وإلا أنت مثل الحيـة اللـي ماتبيـن راســــــهـا
علي الحصني
المشكلة من خشمك اللي زاد عن بعض الخشوم == لاتأمن الدنيا تبـأ تدخلـك فـوق أضراسهـا
ماطاب لك يالآدمي في سـد وجهـي مايـدوم == أظنها نبتة مطـر جاهـا العجـاج و حاســــــــهـا
تركي الميزاني
نبـأ العلـوم الطــــــــــيبـة لكـن ماعنـدك علـوم == ياليت بعض النـاس بالمآقـف تعلـم ناســـــهـا
أمـا تقـدم بالخبـر و إلا تريـح و أمخــــــــــدوم == ترى صدور أهل المعانـي حاظـرٍ هوجاســهـا
علي الحصني
أنا علومي للرجـال اللـي يعرفـون السلـوم == و ألا أنت دور نانسي عجرم و قبل رأســــــهـا
صليت فالمطران لكن فـي ثيابـك ريـح ثـوم == و أمطير لاصلت ورى تركي يزيـد اعطاســـــهـا
تركي الميزاني
الفرق مامن فرق بيـن الشـلاوى و البقـوم == يابانـي البنيـة تـراك أمـــــــــيِـلٍ فـي ساســـهـا
أنا أحمد الله عزوتي شجعـان مافيهـم رخـوم == اصبر على الجمره مـن المطـران يالحاســــهـا
علي الحصني
مافيه فرق بينكم يـا أثنيـن ياغيـر الرقــوم == و انكانها دقت جرسك أرجـع و دق أجراســــــهـا
روح مديل ألفين و الحملة في ظهر الفين كـوم == يمشي و ياقف و الحـراره منقطـع حساسهـا
تركي الميزاني
أخذ النصيحة ياعميلي و أستتر وسط الهـدوم == الارض ماكـلٍ يقيسهـا يـعــــــــــرف اقياسـهـا