الا ياليلة الجمعه غزيتيني بجيش الهم = عليه شن هجماته ولا فادة حراساتي
سرقتي فرحتي مني جرحتي قلبي المغرم = تركتيني جريح اداوي اجروحي بدمعاتي
على خدي ذرف دمعي بشده وامسحه بالكم = دموعي غرقت كمي تنثر فوق وجناتي
هي البلسم دموع العين لجروحي هي المرهم = ولولا دمع عيني كان ماخفت معاناتي
حبيبي اسألك بالله جاوبني ابي أفهم = سبب صدك خساره فيك ضاعت كل هقواتي
حبيبي ليه قلبك قاسين مثل الجبال الصم = تراني تهت بدروبك وطالت بي مسافاتي
حبيبي حالتي بعدك ترى ربي بها يعلم = حياتي مالها قيمه بعد فرقالك بالذاتي
حبيبي شوف حبك كيف يجري في عروق الدم = رجيتك وارتجيتك ترسم البسمه على شفاتي
حبيبي لاتخليني اسير للعنا والهم = صبرت وطال صبري والفرح في شوفتك ياتي
حبيبي جدد آمال الخفوق بشوفتك وارحم = ولك مني جزيل الشكر ممزوج بتحياتي
آخر تعديل الناصر العالي يوم 11-Jul-2011 في 04:51 AM.