[فهد الزهراني]

المشاركة الأصلية كتبت بواسطة ابو فايح

حيالله فهد

اولا مسجل عليك غياب خمسه أيام


ثانيا مشكلة المواعيد مشكله عويصه على قولة المصاريه


المكاتب لها دور والشعراء لهم دور واهل الحفلات لهم دور


المكاتب بعضها يسجل الشاعر حتى ولو ما كلمه بس كذا عشان يجذب الجمهور

أما أصحاب الحفلات بعضهم يحجز الشاعر ويتفق معه ويمكن يعطيه عربون ونهار الحفل يلغي حفله وإلا يجونه بعض الجماعه وغيروا رايه وعدلوا وبدلوا وأكلها الشاعر



أما الجزء الأكبر على الشعراء بعضهم حقير ومواعيده عرقوب
وبعضهم يأتيه ظروف لأن الحجز لبعض الحفلات قبلها بأشهر ويعطي موافقه أوليه ويومها أو قبلها يجيه ظرف طارئ فهذا معذور

وبعضهم يكون عنده حفل اليوم فالطائف وبكره فالرياض أو فالشمال ويأتيه عزيمه فالطائف قريبه ولا يحتاج لمشوار فيعتذر ويعلم أهل الحفل بالصدق ويقول دوروا شاعر حولكم وإن ما عذرتوني جيتكم وهذا ربما لا نلومه ونعذره

ولكن البعض إذا وجد حفله قريبه سحب على البعيده وقفل الجوال أو دق على المكتب وقال صرفهم وهذا ما في وجه حياء .

اولا : ابقاك الله يالغالي والغياب كان لضروف السفر وابشرك حصلنا في الشرقية اضعاف(غبار الرياض) ولله الحمد

ثانيا: لا احد ينكر الضروف التي تحصل للشعراء ولكن بعضهم حتى في موضوع الحجز يتعمد حتى آخر لحظة حتى يتعذر به اذا حصل حفل قريب وربما_المبلغ يكون اعلى من سابقه

ولكن المشكلة هي في استمراء هذه التصرفات ولا اخفيك انها اصبحت على المشكوف ولم يعد هناك حياء من الكثير من الشعراء.

اقسم بالله يابوفايح شاعر ماا عرفه ولا عمري قابلته وارسلت له رسالة عشان يحيي حفلة عند زميل لي رد علي وقال كم بيعطوني تراني معزوم بالمبلغ الفلاني في المنطقة الفلانية يعني قلهم يزيدوني وابشر اسحب على الثانين ؟؟؟

هذا مع شخص مايعرفه اشلون مع اللي يعرفهم وش بتكون تصرفاته وحيله؟؟؟؟

صراحة المفروض الشاعر يشهر به في الصحف والمكاتب لها سلطة قوية على الشاعر لأنها تدبر له حفلات كثيرة ولا يستطيع الشاعر الاخلاف كي لا يخسر المكتب ولكن للأسف الكثير منهم اصبح لهم علاقات بالشعراء واصبح يتلاعب على اصحاب الحفلات من اجل ارضاء الشاعر واستمرار العلاقة بينهم

الموضوع كبير ومتشعب ولكن ليتهم على الأقل يستحيون ولا يلعبون على وتر هذه الصفات في كل حفلة ...والناس وهم في داخل انفسهم يعلمون انهم ابعد الناس عنها الا من رحم ربي

شاكر مررورك