السلام عليكم ورحمة الله وبركاته
لكم
قم شغل اللي كنه الوحش لا هاش=مكينته تغلي وغالي مهرها
جيبن يطيش صاحبه كل ماطاش=والارض في وجهه تكشف نحرها
وطيه لصعنون الحصى ضرب رشاش=يحصد نبات الارض ويأ حجرها
ان كان ميدك عيش ياعقاب نعتاش=نمشي مع البيدا وناطاء وعرها
رزقك يبا يكفله رزاق الادباش=اللي عليه الناس تشكي عورها
لا عاش من حوش ولا دام من عاش=إقطعّ خطوط الارض وانحرّ بحرها
خل الك مطراشن مهوب اي مطراش=لا سمعته روس الاعادي قهرها
البر لامثالي ولامثالك انعاش=من كثر ما جاء بالصدور وحشرها
هذي ثلاث اسنين والراس منداش=والنفس عيت لا تبيح خبرها
خوفً يحوش امن الريجيل حواش=واطيح تحت اقدامها من ظهرها
الرجل صندوقن ليا جاه فتاش=قامت تناقص قيمته ثم خسرها
تطمع به الشجعان ثم يطمع الاش=ثم تابس الشجره وياقف ثمرها
وسلامتكم