حاكم الغنامي
عد من زكى وصام وحج بيت الله وصلا
ياسلام الله سلامٍ فيه خير وفيه خيـرة
يالجلاه استاق ريمه من ديار القوم ولا
مالنا فيكم خراج ولالنا فيهـا بصيـرة
ناصر الجلاه
عد نوٍٍ ف/المناشـي لاح برقـه واستهـلا
مرحبا ترحيبةٍ مثل النجـوم المستنيـره !!
لاتحاكمني ياحاكم عـن لزومـي ماتخـلا
كيف تبرالي ولا لك في مواقع نجد سيره !!
حاكم الغنامي
من سما الابداع قلي وش تشوف ووش تحلا
كان ماشفت النجوم اللي على البيدا منيـرة
مايجوز انـك علينـا ياولـد عاصـم تغـلا
وانت تدري مارجينا منك لو حبـة شعيـرة
ناصر الجلاه
في سما الابداع نجمي فوق نجمك قد تعلا
السماء بأقطارها والارض كوره مستديره
الرجال اسرار وانته سر لايمكـن يحـلا
والعصيمي لو يشاور مايحطك له شويره
حاكم الغنامي
أنت يوم العيد ماشفناك في وسط المصلا
بدلو عيدك بعيد وبدلـوا دارك بديـرة
لاتحسبون المسافه بين صنعا والمكـلا
ثابته والاوله ماضنهـا مثـل الاخيـرة
ناصر الجلاه
انت لو إن روق في طبعك تشيد وتستـدلا
كان روق إن قررت محدارها ترجع كسيره
لاتعـدا فالحـدود ولاتــزل ولا نــزلا
كان في رأسك علوم النار ولعهـا سعيـره