[عمر الدغيلبي]

السلام عليكم ورحمة الله وبركاته


أقدم لكم قصيدتي اللي تشرفت بإلقائها


في حفل قبيلة الدغالبه في المنطقة الشرقيه


الذي أقيم بمناسبة سلامة ابن القبيلة / محمد بن محمد بن جديع الدغيلبي


الخميس : 14 / 7 / 1432

في حفلة أهل الجود و أهل الهيبه =ما فيه لا صدّه و لا تجنيبه
بيت ٍ سبقني في مجيبه نايف =وأنا أتشرّف من بعده أجيبه
يا مرحبا و أهلاً هلا ياربعي =ترحيبة ٍ ما مثلها ترحيبه
يا مرحبا و أهلا ً بعد ماجينا =في حفلنا ياهل الوفا والهيبه
النور زايد و النعاره ثارت =والراس شاش وقدحته من طيبه
آلاد منعر محزمي و العزوه =لا صاح ابن منعر تفز مجيبه
من فعلكم باح الزمان الماضي =و الخيل و الشلفا بعد تحكيبه
يا حربة عتابه و يا فزعتها =كتيبة ٍ ما هي بمثل إكتيبه
لا من نخاكم من زمانه ضامه =مابه على وجه الزمان إصعيبه
يا صفحة التاريخ يا راوينه =هاج الزمان و فعلنا يحصيبه
وإن جيت أبذكر من فعول الحاظر =هذا تجمّعنا يكفـّي جيبه
وقفة تلاحم و إلتفاف و جمعة =عز و معزه ما لحقها ريبه
وابن النعيري يوم جانا سالم =زاد السرور و للفرح توجيبه
راحت ثمان وكن ماهي مرّت =يومه لفانا و السعد يحريبه
يا عزوتي جانا محمد جعله =ربي على ماقد لفاه يثيبه
الليله الليله نصير محمد =وياللي تسوق الطيب يكفي طيبه
ياحرف شعري خابر ٍ ماودّك =من فيض بحرك ينتهي ترتيبه
الله يجمّلني بك و ما جبته = وصلوا على اللي أمته تدعيبه

وسلامتكم

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه