قصيدة موجهه الى الشاعر / عوض بن خاتم الدلبحي
عــينـي تهــل الــدمـع وتهــل وتهــل = هــل الــسحابــة يــوم هــــلـت بــردهـــا
ولـجـتي لـجـت خـلــوج ن تـهــمـل = يـــوم اعطــفــت قـامـو وجـــرو ولــدهــا
جـره كـريــم ســبـال يـبا يتجــمـل = قـــدام ضيـــفـــة والقديـمـــي جــردهــــــا
وبـخـت دمـيـة قـدمــهـا ثـم حـمـل = فـوق اشـهـبــن مــن زود عــزمــه لهدهـــا
وتبرك على الرمضا وتبرك على المل = وفــي وسـطـها نـارن تزايـد وقدهـا
ولا وجــود الــي بــدا نـايـف الـتــل = حــزة عـصــيـر وديـرتـه مـا وردهـــــا
قـد لـه ثـمـان سـنـيــن مع كـثرهـا زل = جــالـي ولــه قــومــن تــزايـد حقدهــا
ولـيـا ذكــر ضحـكـة بـنـاتـه تـزلـزل = وصــبـر وحـتـى الــنفـس قذا جهدها
عـهـده بـهـن قـصـر بـنـيـن تـخـاجـل = والــيــوم نـســوانـن تـكـمـل عــددهــا
هــذا وجـودي يـاريـش الـعيـن يا فل=عـذبـت روحــي مــن مـهـدهـا لـحـدهـــا
اضـحـك مـع الـعـالـم وسـولف واجامل= وبـخاطـري هـمـومـن تـزايد مددهـا
يا شـبه صفرن بـاول الخيـل تصهـل = تــلاوي شـكـيـمـتـهـا وتـركـظ بيدهــا
ولا كــمــا قــايــد قـطـيـعـن محجــل = قــطعـان ريـمـن والـبــوارد نــكــدهـــا
وإلـه ثـلاث سـنيـن مخفـي عـن الكـل = غـايــب ولا ادري وين دارن وردهـا
وان قـلتــلك يا خـال ردد مــعـي قــل = ردد مــعــي يا الله تــحفــظ بــلــدهـــا
وتشـوفـنـي يا خـال والحـال منسل = واشـقـيـت عـيـنـي لـيـن جاهـا رمدهــا
وختامهـا يـا خـال والحال ينـزل = فـكـري مـرددهــا وفــكــري ســـردهــــا
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ
رد الشاعر / عوض بن خاتم الدلبحي
يا راكب الي قو عزمة ليا تل = يفرا الحزوم الي صليبن جلدها
مظممن في مصنعه ما تحلحل = وارسل علي مع البحور وزبدها
من مصنع الشاصات ورد وكمل = وغطا على الشاصات وامر وادها
نبي عليه نزور من يشكي المل = ويش الحبال الي تلوت عقدها
ابشر بعزك يا البناخي ولا تذل = ومن مات يسكن بالقبور ولحدها
ان كانهي بالجاه ورجال ندل = محنا بقصارن قصارن عمدها
وان كانهي بالمال خلك على زل = وانا اتحمل يا البناخي نكدها
لاكن مالك والسجيج الموصل = من غرته دنياه قام وفقدها
هذا زمان الضايعه والمسلسل = لاتنفتن بالي تبين جسدها
احفظ فروض الله وكبر وقم صل = ودنياك هذي لو بقت وش بعدها
وانته تراك ان رحت وان جيت في ضل = في ضل شيخ لشيوخ وسندها
هذاك ابو فواز بين ويندل = له سفرتن بالجمش فازت وحدها
عدا برجلينه على نايف التل = وهاز المعالي لين ثبت وتدها
انشهد انه للمراجل تمرجل = قولت هلا طبعة وناره وقدها
صح لسانك يا ابو بدر والله لا يهينك