الاخوة الفضلاء
السلام عليكم ورحمة الله وبركاته
لا يخفى عليكم مايحاك لبنت الوطن من مخططات ظالمه
الهدف منها الزج بها في احظان الرذيله والبعد بها عن الفضله
لتكن مثل أولائك الضائعات والتائهات في العهر والعار
اعاذ الله بلادنا و نسائنا من الفتن ماظهر منها ومابطن ورد كيد
الكائدين في نحورهم . ابيات متواضعه اضعها هنا راجيا ان تنال استحسانكم
بنت الوطن فخر الوطن يالصعاليك= ماهي لكم هي للطهر والشهامه
ماهي لكم مغنم ولاهي كما ذيك = اللي على وجه المجله علامه
هي حرةٍ تقدر تبيعك وتشريك = بنت القرو م أهل الوفاء والزعامه
ربت على منهج يعز المما ليك= وعاشت بحظن أهل العقل والعمامه
يامدعيها زور ضاعت هقاويك = وخسرت في الدنيا ويوم القيامه
دره مصونه ماتصلها أياديك = من دونها تكسر سيوفٍ وهامه
حفيدة الشجعان ماهم شراويك= ياللي تبيها تجر عار وندامه
عساك تفداها وهي لا ما تفديك = ياللي تبي تبدّل غطاها لثامه
بقلم الشاعر/ عبدالرحمن المبطي السلمي